ការដួលរលំរបបផ្តាច់ការនៅប្រទេសលីប៊ី ដោយការបះបោរពីប្រជាពលរដ្ឋ…!?

កូនពៅរបស់ប្រធានាធិបតី ហ្គាដាហ្វ៊ី GADAFI នៃប្រទេសលីប៊ី LYBIA ឈ្មោះ ខាមិស KHARMIS និងចៅ ៣ នាក់ ត្រូវបានស្លាប់ដោយ ការទម្លាក់គ្រាប់បែក ពីយន្តហោះប្រតិកម្ម នេតូ (NATO) កាលពីយប់មិញ ។ ដំណឹងបានផ្សាយតាម វិទ្យុក្នុងស្រុកអាមេរិក និងក្នុងអិនធើណិត កាលពី ៣ ម៉ោងមុននេះ ។ ខ្ញុំបានមើលវីឌីអូ ឃើញបាក់បែក អាគារយ៉ាងដំណំ ។ កូនពៅនេះធ្លាប់បានទៅសិក្សានៅសហរដ្ឋអាមេរិក កាលពី ២ ខែមុននេះ ហើយបានត្រឡប់មកប្រទេសលីប៊ីជាបន្ទាន់ ដោយឮសូរថា គេធ្វើមហា បាតុកម្មទម្លាក់ឪពុករបស់ខ្លួន ហើយក៏ បានចាប់ផ្តើមបញ្ជារទ័ពវាយប្រហារ ទៅលើអ្នកបះបោរយ៉ាងសាហាវ ដែលគេដឹងគ្រប់គ្នាថា ជាមេកងពល ពិសេស ។ ឪពុកដែលជាប្រធានាធិតី លីប៊ី ម្តាយនិងបងប្អូនដទៃទៀត បានគេចផុត ពីការវាយប្រហារនេះ។

ចូរមើលតាមរូបភាពនិមួយៗ នៃទិដ្ឋភាពការដួលរលំ របបផ្តាច់ការនៅប្រទេសលីប៊ី នៅខាងក្រោម៖

ថ

រូបភាពសពខាងក្រោមនេះ ជាសពរបស់ប្រធានាធិបតីផ្តាច់ការ ហ្កាដាហ្វ៊ី គឺគាត់ស្លាប់យ៉ាងវេទនាបំផុត គឺដោយសារប្រជាពលរដ្ឋ ដេញតាមវាយ និងគប់ដុំថ្មសម្លាប់ គាត់បានរត់ចូលពួន ក្នុងលូទឹកស្អុយហើយ នៅតែមិនរួចខ្លួនទៀត…

តើត្រកូលហ៊ុនជានរណាមកពីណា? ចូរសិក្សាស្វែងយល់ទាំងអស់គ្នា…!

មានកូនសៀវភៅដ៏ចំណាស់មួយ ដែលមានអាយុកាលជិត ១០០ ឆ្នាំ បាននិយាយអំពី ត្រកូលមួយ ឈ្មោះ ហ៊ុននិងអាវ៉ារ (Huns and Avars) (ហ៊ុន សែន និង វ៉ា គឹមហុង…!?) បានគេចខ្លួនឬភៀស ខ្លួនបាត់ ពីតំបន់មជ្ឈឹមបូព៌ា នៅពេលដែល ពួកទាហានម៉ុងហ្គោល វាយរាតត្បាតកាន់កាប់ នៅ មជ្ឈឹមបូព៌ា ម្តុំប្រទេសអៀរ៉ាក់សព្វថ្ងៃ។ ពួកត្រកូលនេះ បានមកបាត់ខ្លួន នៅតំបន់ក្នុងជួរដងព្រៃភ្នំ ក្បែរប្រទេសឥណ្ឌា ទំនងជានាំគ្នាធ្វើដំណើរឆ្ពោះ មកតំបន់ភូមិភាគ អាស៊ីភាគអាគ្នេយ៍ គឺទំនងជាបាន មកជ្រកកោណ នៅប្រទេសកម្ពុជានេះឯង។ ពីព្រោះប្រទេសខ្មែរ នាពេលនោះ (សតវត្សន៍ទី១៣) នៅខ្លាំងពូកែនៅឡើយ គឺពួកទាហានម៉ុងហ្គោល មិនអាចវាយចូល ទីក្រងអង្គរបានឡើយ នេះបើ មើលតាម ផែនទីប្រវត្តិសាស្រ្ត ម៉ុងហ្គោល ដែលអាមេរិកាំង បានសរសេរបោះពុម្ព ផ្សាយកាលពី ទសវត្សន៍ ៩០ ហើយដែលបាន ដាក់ផ្សាយក្នុង បណ្តាញវើដប្រែសនេះផងដែរ…។

ចូរមើលជំពូកទី១២ ក្នុងប្រធានបទ “ដាវជាអាវុធឥស្លាម…!?” ដូចមាននៅខាងក្រោម៖

មន្ត្រីបក្សកាន់អំណាចច្រានចោលគំនិតស្នើសុំព្រះរាជអន្តរាគមន៍បញ្ហានយោបាយ…!?

មន្ត្រីគណបក្សកាន់អំណាចច្រានចោលគំនិតរបស់អ្នកនយោបាយជើងចាស់ លោក លឺ ឡាយស្រេង ដែលស្នើព្រះរាជអន្តរាគមន៍ពីព្រះមហាក្សត្រដើម្បីដោះស្រាយវិបត្តិនយោបាយ។

Source: http://www.rfa.org/khmer/news/politics/cpp-spokeman-reacts-to-a-former-politician-09172016063254.html

នេះជាសេចក្តីប្រកាសរួមគ្នាដំបូងនៃប្រទេស ​ចំនួន​៣៦​​ដែលកង្វល់​​លើ​បញ្ហា​សិទ្ធិមនុស្ស​នៅ​កម្ពុជា…!?

នេះជាសេចក្តីប្រកាសរួមគ្នាជាជំហ៊ានដំបូងហើយ នៃប្រទេសចំនួន ៣៦ ដែលខ្វល់ខ្វាយរឿងសិទ្ធមនុស្ស និងការគៀបសង្កត់មកលើ គណបក្សប្រឆាំង ឬ បក្សសង្រ្គោះជាតិនៅកម្ពុជា។ បើស្ថានភាព នយោបាយនៅកម្ពុជា នៅតែតានតឹង និង គណបក្សធំទាំងពីរ មិនព្រមចរចារគ្នា មិនព្រមធ្វើការជាមួយគ្នា ហើយរដ្ឋាភិបាលហ៊ុន សែន ឬ គណៈបក្សកាន់អំណាច នៅតែធ្វើទុកបុកម្នេញ គណបក្សប្រឆាំង ឬ គណបក្សសង្រ្គោះជាតិ និង អង្គការសង្គមស៊ីវិល ឬ អង្គការសិទ្ធិមនុស្សនានា នោះអង្គការសហប្រជាជាតិ ដែលមានសហរដ្ឋអាមេរិក និង សហគមន៍អឺរ៉ុប នឹងចុះធ្វើអន្តរាគមន៍ មិនខាននៅកម្ពុជា។ ហើយការធ្វើអន្តរាគមន៍នេះ អាចមានស្ថានភាពដូចនៅ ប្រទេសអៀរ៉ាក់ អាហ្កានិស្ថាន អ៊ីជីប លីប៊ី ទុយណេស៊ី និង ស៊ីរីជាដើម។

ដូច្នេះអ្នកគ្រោះថ្នាក់ ខ្លាំងជាងគេ គឺគណបក្សកាន់អំណាច ជាពិសេស ក្រុមគ្រួសារសម្តេចហ៊ុន សែន បើទោះបីជាមានកងអង្គរក្ស ខ្លាំងពូកែច្រើន រាប់ពាន់រាប់ម៉ឺន និងមានខ្នងក្រាសគឺយួន ចិន និង រុស្ស៊ីក៏ដោយ។ ហើយរឿងចិននិងរុស្ស៊ី មិនដូចសម័យមុនទេ សម័យនេះពួកគេអាច មិនគាំទ្ររបប អាណានិគមន៍និយមយួន នៅកម្ពុជាឬឥណ្ឌូ-ចិនទៀតទេ បើទោះបីរដ្ឋាភិបាលហ៊ុន សែន មានទំនាក់ទំនង ល្អយ៉ាងណា ជាមួយចិនក៏ដោយ គឺវាអាចមានការកែប្រែ…។

ការធ្វើអន្តរាគមន៍នៅកម្ពុជា ទំនងជាមិនចាំបាច់ ធ្វើអន្តរាគមដូចប្រទេសនានា ដែលបានរៀបរាប់ខាងលើទេ ពីព្រោះកម្ពុជាមិនមាន អ្នកតស៊ូប្រដាប់អាវុធដូច ប្រទេសនានាខាងលើទេ ដូច្នេះគេនឹងប្រើកង កំម៉ង់ដូពិសេស ដែលអមដោយយន្តហោះ ចម្បាំងទំនើបដែលបំពាក់ ដោយអាវុធកាំច្រូចទំនើបៗ វាយប្រហារលើ ទីតាំងសំខាន់ៗ របស់អង្គរក្ស ក៏ដូចជាទីតាំងលាក់ខ្លួន របស់មេដឹកនាំ គឺគេធ្វើមិនអោយរង្រ្គោះ ដល់ប្រជាពលរដ្ឋច្រើនទេ បើទោះបីពួកគេឆ្លៀត យកប្រជាពលរដ្ឋ ជារនាំងក្តី ដូចករណី ឆ្មក់វាយប្រហារមេកន្ទ្រាញ អាល់-កាយអ៊ីដា បិន ឡាដិន នៅប្រទេសប៉ាហ្គិស្ថាន ។ ហើយមិនជឿថាយួនអាចហ៊ាន ឱ្យមេដឹកនាំទាំងនោះ ទៅពួនសម្ងំលាក់ខ្លួន នៅប្រទេសរបស់គេទេ… មិនថាអញ្ចឹង…!?

 

ប្រទេសចំនួន៣៦ ចេញសេចក្ដីប្រកាសកង្វល់រួមគ្នាមួយនៅថ្ងៃទី១៤ កញ្ញា នេះ លើបញ្ហាសិទ្ធិមនុស្ស    នៅកម្ពុជា ដែលប្រទេសទាំងនោះខ្វល់ខ្វាយយ៉ាងខ្លាំង ចំពោះភាពតានតឹងនយោបាយ ដែលជាការ គំរាមកំហែងដល់សកម្មភាពស្របច្បាប់របស់គណបក្សប្រឆាំង និងអង្គការសិទ្ធិមនុស្ស។
ខ្មែរ
Source: http://www.rfa.org/khmer/news/human-rights/36countries-worry-Cambodia-human-rights-situation-09142016060516.html

មេ​បញ្ជាការ​កងទ័ព​ចេញ​បញ្ជា​ឲ្យ​កង​អង្គរក្ស ​ការពារលោកហ៊ុនសែននិង​ក្រុម​គ្រួសារ…!?

បើតាមការសិក្សាតាមបច្ចេកទេសនយោបាយ នយោបាយមានប្រាំ(៥)យ៉ាងគឺ៖ នយោបាយ-នយោបាយ នយោបាយ-សេដ្ឋកិច្ច នយោបាយ-វប្បធម៌ នយោបាយ-សង្គមកិច្ច និង នយោបាយ-សន្តិសុខ។ នយោបាយទាំង ៥ នេះ ត្រូវតែមានតុល្យភាពនឹងគ្នា ឬត្រូវតែធ្វើជាមួយគ្នា មិនអាចអត់មួយណាបានទេ។ បើមិនដូច្នោះទេ មិនអាចធានាបាននូវសុវត្ថិភាព និង សន្តិសុខបានឡើយ…។ បានន័យថា ខ្មែរគ្រប់និន្នាការ នយោបាយទាំងអស់ ត្រូវតែធ្វើការជាមួយគ្នា ដូចបានចងក្រង ជាឧទាហរណ៍ស្រាប់…៕

អគ្គមេបញ្ជាការកងយោធពលខេមរភូមិន្ទចេញបទបញ្ជាចំនួន២ គឺការពារនាយករដ្ឋមន្ត្រី ហ៊ុន សែន និងក្រុមគ្រួសារឲ្យខាងតែបាន ការពាររដ្ឋធម្មនុញ្ញ និងការពារទប់ស្កាត់មិនឲ្យកើតមានបដិវត្តពណ៌។

Source: http://www.rfa.org/khmer/news/politics/rcaf-commander-order-bhq-to-protect-hun-sen-09042016012355.html

WE HAVE TO FIX OUR POLITICAL SYSTEM យើងត្រូវតែកែទម្រង់នយោបាយដឹកនាំ…!!

តើមូលហេតុអ្វីបានជាគណបក្សទាំងពីរ មិនអាចធ្វើការជាមួយគ្នាបាន?
បញ្ហាសំខាន់គឺប្រព័ន្ធនយោបាយដឹកនាំ ដែលមិនអនុញ្ញាតឱ្យគណបក្ស
ទាំងពីរនេះអាចធ្វើការជាមួយគ្នាបាន គឺគណបក្សមួយប្រកាន់ប្រព័ន្ធ
នយោបាយដឹកនាំតាមបែបអាណានិគមនិយមកុម្មុយនិសផ្តាច់ការ គឺប្រកាន់
ខ្ជាប់នូវគោលនយោបាយឈ្នះៗជាប់ជានិច្ច គឺមិនចង់ចាញ់មិនចង់ស្មើ។

ហើយគណបក្សមួយទៀត ក៏ប្រកាន់ខ្ជាប់នូវគោលនយោបាយឈ្នះៗ មិន
ចង់ចាញ់មិនចង់ស្មើ គឺប្រកាន់ប្រព័ន្ធនយោបាយដឹកនាំតាមបែបសេរីនិយម
និយមពហុបក្ស និង អ្នកជាតិនិយម។ ទាំងនេះជាចំណុចសំខាន់ដែលយើង
មើលឃើញ។ ដូច្នេះមានតែផ្លាស់ប្តូរប្រព័ន្ធនយោបាយដឹកនាំទេ ដែលអាច
អនុញ្ញាតឱ្យបក្សទាំងពីរអាចធ្វើការជាមួយគ្នាបានដោយសុវត្ថិភាព។

ការផ្លាស់ប្តូរនូវប្រព័ន្ធនយោបាយដឹកនាំជាជម្រើសតែមួយគត់ គឺមិនត្រឹមតែ
ផ្តល់អ្នកនយោបាយទាំងអស់ធ្វើការជាមួយគ្នាដោយសុវត្ថិភាពប៉ុណ្ណោះទេ គឺ
វាអាចជួយផ្តល់មធ្យោបាយគ្រប់បែបយ៉ាង ដើម្បីដោះស្រាយនូវវិបត្តិឬបញ្ហា
ខ្មែរគ្រប់យ៉ាង ក៏ដូចជាការអភិវឌ្ឍន៍ប្រទេសជាតិឱ្យបានរីកចម្រើនលូតលាស់
ទៅមុខយ៉ាងល្អប្រសើរបាន…៕

តុលាការ​កំពូល​បដិសេធ​បណ្ដឹង​លោក​កឹមសុខា- ​សាលាឧទ្ធរណ៍​បដិសេធ​បណ្ដឹង​​មន្ត្រី​សិទ្ធិមនុស្ស

នៅថ្ងៃទី២ ខែកញ្ញា នេះ ក្រុមប្រឹក្សាជំនុំជម្រះនៃតុលាការកំពូល សម្រេចច្រានចោលបណ្ដឹង        សាទុក្ខដែលមិន អស់ចិត្តពីក្រុមមេធាវីការពារក្ដីឲ្យលោក កឹម សុខា។ ចំណែកឯសភាស៊ើបសួរ នៃសាលាឧទ្ធរណ៍ សម្រេចទាត់ចោលបណ្ដឹងមោឃភាពនីតិវិធីប្រឆាំងមន្ត្រីសមាគមអាហុក                   (ADHOC) ដែរ។

Source: http://www.rfa.org/khmer/news/law/appeal-reject-Adhoc-sue-against-ACU-09012016230735.html

តុលាការអាមេរិកបើកសវនាការករណីបណ្ដឹង ប្រឆាំងរដ្ឋាភិបាលនិងលោកហ៊ុន ម៉ាណែត…

តុលាការនៅក្នុងក្រុងឡូសអែនជឺឡេស (Los Angeles) រដ្ឋកាលីហ្វ័រញ៉ា (California) សហរដ្ឋអាមេរិក នៅថ្ងៃទី១ ខែកញ្ញា បានសម្រេចតាមបណ្តឹងរបស់មេធាវីលោក មាជ សុវណ្ណារ៉ា ដែលស្នើឲ្យតុលាការបង្គាប់ឲ្យភាគីលោក ហ៊ុន ម៉ាណែត និងរដ្ឋាភិបាលកម្ពុជា បង្ហាញឯកសារពាក់ព័ន្ធនឹងបណ្ដឹងនេះ រួមទាំងឯកសារដែលរដ្ឋាភិបាលមិនដែលប្រាប់សាធារណជនឲ្យដឹងពីមុន។

Source: http://www.rfa.org/khmer/news/law/US-court-open-hearing-on-hunmanet-case-09012016214528.html

ប្រព័ន្ធនយោបាយខ្មែរអង្គរ ជាភាសាអង្គ្លេសនិងខ្មែរ

Khmer Angkor Political System-English and Khmer

មន្ត្រី​អាដហុក​ម្នាក់​ដែល​ជាប់​ចោទ​ក្នុង​រឿង​ស្រី​មុំ ​ដួល​សន្លប់​ក្នុង​បន្ទប់​សវនាការ​សាលាឧទ្ធរណ៍…!?

មន្ត្រីសិទ្ធិមនុស្សនៃសមាគមអាដហុក (ADHOC) មួយរូបក្នុងចំណោម៤រូប ដែលជាប់ចោទពីបទសូកប៉ាន់សាក្សី លើអ្នកនាង ខុម ចាន់តារាទី គឺលោក ណៃ វ៉ង់ដា បានដួលសន្លប់ ខណៈលោកកំពុងស្ថិតក្នុងសវនាការសាលាឧទ្ធរណ៍ នៅព្រឹកថ្ងៃទី៣០ សីហា។

Source: http://www.rfa.org/khmer/news/law/Adhoc-officers-on-appeal-court-08292016231433.html

ភរិយា​លោក​បណ្ឌិត កែម ឡី និង​កូនៗ​បាន​ចាកចេញ​ពី​ប្រទេស​កម្ពុជា​ហើយ…!?

សភាពការណ៍តឹងតែង មិនអំណោយផលឱ្យលោកស្រីប៊ួ រចនា ជាភរិយានិងកូនៗ អាចនៅបានចូលរួម ពីធីបុណ្យសព ១០០ ថ្ងៃរបស់លោកបណ្ឌិតកែម ឡីនៅខែតុលាខាងមុខនេះទេ គួរឱ្យសោកស្តាយ…!

ភរិយារបស់លោកបណ្ឌិត កែម ឡី អ្នកស្រី ប៊ួ រចនា និងកូនៗទាំងបួននាក់ បានចាកចេញពីប្រទេសកម្ពុជា ហើយកាលពីថ្ងៃទី២៨ សីហា។ ព្រះតេជព្រះគុណ ប៊ុត ប៊ុនតិញ មានថេរដីកាថា អ្នកស្រី ប៊ួ រចនា និងកូនៗបានទៅដល់ទីកន្លែងសុវត្ថិភាពហើយ ប៉ុន្តែព្រះអង្គមិនអាចបញ្ជាក់ប្រាប់ថាទៅនៅប្រទេសណានោះទេ។

Source: http://www.rfa.org/khmer/news/social-economy/kem-ley-wife-and-sons-leave-cambodia-08292016102439.html

វៀតណាមនឹងពិចារណាលើសំណើរកម្ពុជា ទាក់ទងនឹងបញ្ហាព្រំដែននៃប្រទេសទាំងពីរ…

មន្ត្រីជាន់ខ្ពស់ផ្នែកកិច្ចការព្រំដែនកម្ពុជា ថា ភាគីវៀតណាម នឹងពិចារណាលើសំណើកម្ពុជា ជុំវិញដំណោះស្រាយបញ្ហាព្រំដែនដែលកើតមាន លើប្រទេសទាំងពីរ នាពេលកន្លងទៅ។

Source: http://www.rfa.org/khmer/news/politics/meeting-VN-Cambodia-on-border-issue-08292016044342.html

កម្ពុជា-​វៀតណាម​នឹង​ពិភាក្សាអំពី​​សំណើ​ជំនួយ​ បច្ចេកទេស​ពី​បារាំង​រឿង​ព្រំដែន​​នៅ​សប្ដាហ៍​ក្រោយ

ជំនួបទ្វេភាគីរវាងកម្ពុជា និងវៀតណាម ស្ដីពីការដោះស្រាយបញ្ហាជម្លោះតាមព្រំដែននៃប្រទេសទាំងពីរ នឹងរៀបចំនារាជធានីភ្នំពេញ នៅថ្ងៃច័ន្ទ ទី២៩ ខែសីហា ដើមសប្ដាហ៍ក្រោយ។ ភាគីទាំងពីរនឹងពិភាក្សាអំពីសេចក្ដីព្រាងលើលិខិតស្នើសុំអន្តរាគមន៍ផ្នែកបច្ចេកទេសព្រំដែនពីប្រទេសបារាំង។

Source: http://www.rfa.org/khmer/news/politics/cam-viet-border-issue-08272016035128.html

អ្នកវិភាគ៖ មេដឹកនាំ​ដែល​ពូកែ​គឺ​ជា​អ្នកដឹកនាំ ដែល​បង្កើត​មេដឹកនាំ​សម្រាប់​បន្ត​វេន…!?

អ្នកវិភាគនយោបាយលើកឡើងថា មេដឹកនាំដែលពូកែពិតប្រាកដ គឺជាអ្នកដឹកនាំប្រទេសដែលមិនល្មោភអំណាច និងមិនចង់ដឹកនាំយូរ គឺជាអ្នកដឹកនាំដែលបណ្ដុះក្មេងៗជំនាន់ក្រោយដើម្បីត្រៀមដឹកនាំបន្តពីខ្លួន។ ការលើកឡើងរបស់អ្នកវិភាគនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសម្ដងហើយម្ដងទៀតថា លោកក៏ចង់ឈប់ធ្វើជានាយករដ្ឋមន្ត្រីដែរ តែមកពីគ្មានមនុស្សជំនួសលោក។

Source: http://www.rfa.org/khmer/news/politics/Analysis-on-hunsen-says-want-to-step-down-08262016003801.html

ព្រះតេជព្រះគុណ ប៊ុត ប៊ុនតិញ មិន​ខ្វល់​នឹង​រឿង​លោក ម៉ម សូណង់ដូ គំរាម​ប្ដឹង…!?

ការបញ្ចេញមតិយោបល់ ចំពោះមនុស្សសាធារណៈ មិនមែនជាកំហុសអ្វីធ្ងន់ធ្ងរទេ ប៉ុន្តែលោកម៉ម សូណង់ដូចង់ការពារខ្លួន ក្នុងរឿងនេះ ពីព្រោះគាត់ចង់តាំងខ្លួន ជាមនុស្សប្រជាធិបតេយ្យប្រឆាំង ដូចគណបក្សសង្រ្គោះជាតិដែរ។ តាមពិតលោកម៉ម សូណង់ដូ គាត់ជាជនរង្រ្គោះផ្ទួនៗ ប៉ុន្មានឆ្នាំចុងក្រោយនេះ ជាពិសេស គេចាប់កំហុសគាត់ នៅពេលជួបគ្នាស្ងាត់ៗ ជាមួយ លោកសួន សេរីដ្ឋា អំពីរឿងធ្វើអប្បគមន៍ ហើយបានចាប់ដាក់គុកដោយ សម្តេចហ៊ុន សែនៗ មានត្រចៀកទិព្វ។ ក្រោយមកមាន ការប្រទង់ប្រទែង រឿងគេចង់បិទវិទ្យុសំបុកឃ្មុំផង រឿងចង់ចូលរួមជាមួយ បក្សសង្រ្គោះជាតិផង ហើយរឿងតំណែង ឬតួនាទីក្នុង គណបក្សសង្រ្គោះជាតិ មិនអាចទៅរួចទេ ដោយមានបញ្ហាជាច្រើន ដូចបានពោលមកនេះ ដែលបង្ខាំងមិនឱ្យគាត់ចូលរួម ជាមួយបក្សង្រ្គោះជាតិបានទេ លើកលែងតែបង្កើតបក្ស របស់គាត់ដើម្បីបំបែកសម្លេង គណបក្សប្រឆាំងទើប រឿងគាត់អាចធូរ ស្រាលបាន។ ហើយឥឡូវហ្នឹង តើលោកម៉ម សូណង់ដូរទៅណាបាន? មនុស្សធ្លាប់មាត់ករ កោកកាកៗស្ទើរគ្រប់ពេលវេលា ហើយរឿងគេផ្អើលពេញប្រទេស ក្នុងករណីគេបាញ់សម្លាប់ លោកបណ្ឌិតកែម ឡី អត់ឮសូរមាត់លោកម៉ម សូណង់អ្វីបន្តិចសោះ ស្ងាត់ច្រៀបដូចចោរលួចសេះ តើដោយសារមូលហេតុអ្វីដែរ? ទាំងអស់ដែលបាន ពោលមកនេះ ក៏ជាការបញ្ចេញមតិ យោបល់ដែរ…៕

ស្ថាបនិកបណ្ដាញព្រះសង្ឃឯករាជ្យដើម្បីយុត្តិធម៌សង្គម ព្រះតេជព្រះគុណ ប៊ុត ប៊ុនតិញ មានថេរដីកាថា ព្រះអង្គនឹងមិនឆ្លើយតប និងខ្វល់ខ្វាយចំពោះការគំរាមប្ដឹងពីប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ នោះទេ។

Source: http://www.rfa.org/khmer/news/politics/buth-buntinh-08232016085512.html

ភាពរាំងស្ងួតនៅបាត់ដំបង អាចខូចខាតស្រូវ ៤ម៉ឺនហិកតា បើសិនជាគ្មានទឹកស្រោចស្រប់ ក្នុងរយៈពេល ២-៣អាទិត្យខាងមុខនេះទេ…!

ដំណាំ​ស្រូវ​របស់​ប្រជា​កសិករ​នៅ​ខេត្ត​បាត់ដំបង ជាង ៤​ម៉ឺន​ហិកតារ ប្រឈម​នឹង​ការ​ខូចខាត​ដោយសារ​គ្រោះ​រាំង​ស្ងួត និង​គ្មាន​ទឹក​សម្រាប់​ស្រោចស្រព។ ពលរដ្ឋ​ខ្លះ​កំពុង​ព្រួយ​បារម្ភ​ខ្លាច​ក្រែង​គ្មាន​អង្ករ​ច្រក​ឆ្នាំង ហើយ​ដាច់​ពោះ​ស្លាប់​នៅ​ពេល​ខាង​មុខ ដោយសារ​គ្មាន​ប្រាក់​ចំណូល​ដោះស្រាយ​ជីវភាព​គ្រួសារ។

Source: http://www.rfa.org/khmer/news/environment/rice-field-lack-of-water-at-battambang-08222016071618.html

ប្រព័ន្ធនយោបាយខ្មែរអង្គរ

នេះជាប្រព័ន្ធនយោបាយ ដែលមានសន្តិសុខ និង សុវត្ថិភាព ជាទីបំផុតក្នុងលោក។ ជាប្រព័ន្ធដែល មិន ផ្តាច់ការ ជាប្រព័ន្ធ ពោរពេញទៅដោយសិទ្ធិសេរីភាព ជាប្រព័ន្ធ ចែករំលែក មិនហួងហែងតែម្នាក់ឯង ជាប្រព័ន្ធ សេរីនិយម ជាប្រព័ន្ធរាជា និយម ជាប្រព័ន្ធកុម្មុយនិស និយមផងដែរ ជាប្រព័ន្ធឱ្យមនុស្ស ចេះស្រឡាញ់មនុស្ស ជាប្រព័ន្ធឱ្យ មនុស្សចេះធ្វើការជាមួយគ្នា ជាប្រព័ន្ធជំរុញ ឱ្យមនុស្ស ចេះសាមគ្គីគ្នា ជាប្រព័ន្ធធ្វើឱ្យមនុស្សចេះចរចារ ពិភាក្សាគ្នា ចេះឯកភាពគ្នា ចេះចែកគ្នារស់ មិនកំណាញ់ ធ្វើឱ្យមនុស្សមានចិត្តទូលាយ មិនចង្អៀតមិនចង្អល់ និង ជាប្រព័ន្ធ ដែលអាចកាត់បន្ថយការប្រើអំពើហឹង្សា ការព្យាបាទឈ្នានិះគ្នា និង កាត់បន្ថយ អំពើឃាតកម្ម រហូតដល់ ៩៩ ភាគរយ ហើយជាប្រព័ន្ធតម្រូវឱ្យមនុស្ស មានការសិក្សាអបរំខ្ពស់ មានកម្រិតវីជ្ជាខ្ពស់ មានធនធាន មនុស្សខ្ពស់និងធ្វើឱ្យប្រទេសជាតិលូតលាស់ និងរីក ចម្រើន ជឿនលឿនយ៉ាងឆាប់រហ័សជាទីបំផុត គឺគ្មាន ប្រព័ន្ធនយោបាយណាក្នុងពិភពលោក ឱ្យប្រសើរជាង នេះទេ៕៚…

ព្រះអង្គម្ចាស់ស៊ីសុវត្ថិ-ធម្មិកោរក្សាគោលជំហរ ថារបបដែលដឹកនាំដោយសម្តេចហ៊ុន-សែន គណបក្សប្រជាជនថាជា “របបតិរច្ឆាន…!”

ការឱ្យឈ្មោះរបបនេះ ជារបបតិរច្ឆាន គឺស្មើនិងរបបសត្វ ដែលមិនមែនជារបបមនុស្ស គឺរបបថោកទាប ធ្វើបាបមនុស្ស កាប់សម្លាប់មនុស្ស ដូចសត្វធាតុ គឺស្មើនិងស្ថាននរក គឺមិននឹកស្មានដល់សោះ ថាប្រទេសជាតិខ្មែរ បានធ្លាក់ដល់កម្រិតនេះ ប៉ន្តែបើយើងលើកយក រឿងសោកនាដកម្មទាំងអស់ ទាំងសម័យសង្រ្គាម ឆ្នាំ១៩៧០-៧៥, ឆ្នាំ១៩៧៥-៧៩, ឆ្នាំ១៩៧៩-៨៩, ឆ្នាំ១៩៨៩-៩៩, ឆ្នាំ១៩៩៩-២០០៩, និង ឆ្នាំ២០០៩-២០១៦នេះ ការសម្លាប់មនុស្ស ការធ្វើបាបមនុស្ស មានសភាពឃោរឃៅ និងព្រៃផ្សៃដូចគ្នា ខុសគ្នាត្រង់តិច និងច្រើនប៉ុណ្ណោះ…។

ព្រះអង្គម្ចាស់ ស៊ីសុវត្ថិ ធម្មិកោ ដែលជាមន្ត្រីជាន់ខ្ពស់គណបក្សប្រឆាំង បានហៅរបបបច្ចុប្បន្នដែលដឹកនាំដោយគណបក្សប្រជាជន របស់លោកនាយករដ្ឋមន្ត្រី ហ៊ុន សែន ថាជា «របបតិរច្ឆាន»។ ទោះបីជារងការរិះគន់និងព្រមានចាប់ខ្លួនពីមន្ត្រីរដ្ឋាភិបាល ប៉ុន្តែព្រះអង្គនៅតែរក្សាជំហររបស់ទ្រង់ដដែល។

Source: http://www.rfa.org/khmer/news/politics/interview-thomico-08122016082857.html

ស្រ្តីខ្មែរដែលយួនបានវាយប្តីសម្លាប់កាលពីថ្ងៃទី ៧សីហានេះអំពាវនាវឱ្យអាជ្ញាធរខ្មែររកចាប់ខ្លួន ជនសង្ស័យបន្ថែមទៀត…

នេះជាស្រ្តីខ្មែរមេម៉ាយមានកូន៩ខែក្នុងផ្ទៃ ដែលពួកយួនបានព្រួតគ្នាវាយគាត់ និងវាយសម្លាប់ប្តីគាត់ កាលអាទិត្យមុន។ យួនព្រួតគ្នាវាយសម្លាប់ខ្មែរ យ៉ាងឃោរឃៅ និងព្រៃផ្សៃបំផុត នៅលើទឹកដីខ្មែរ ភូមិខ្មែរផ្ទះខ្មែរ គួរឱ្យអាណោចអាថមណាស់ តើខ្មែរទាំងអស់គ្នាយល់យ៉ាងណាដែរ…!?

គ្រួសារខ្មែរដែលជនជាតិវៀតណាម ព្រួតវាយសម្លាប់នៅឃុំអ្នកលឿង ស្រុកពាមរ ខេត្តព្រៃវែង កាលពីយប់ថ្ងៃទី៧ ខែសីហា អំពាវនាវឲ្យអាជ្ញាធរបន្តចាប់ខ្លួនជនសង្ស័យបន្ថែមទៀត ខណៈអាជ្ញាធរចាប់ខ្លួនជនសង្ស័យបានចំនួន ៦នាក់ ហើយបញ្ជូនទៅតុលាការដើម្បីកាត់ទោស។

Source: http://www.rfa.org/khmer/news/human-rights/family-of-man-teaten-in-preyveng-call-for-justice-08122016003429.html

តើអ្នកណានៅពីក្រោយការបាញ់សម្លាប់ លោកបណ្ទិតកែមឡី?

ចូរពិនិត្យមើលសំណុំរឿងលោកបណ្ឌិតកែម-ឡីសារឡើងវិញ តើបណ្ឌិតកែម-ឡីបានធ្វើអ្វីខ្លះ? បញ្ហាសំខាន់ដែលរសើបជាងគេ គឺយុទ្ធនាការ១០០រាត្រី។ រីឯរឿងក្រុមគ្រួសារលោកហ៊ុន សែន នៅក្នុងឯកសារអង្គការឃ្លោប៊ល វិតណែស ជារឿងបន្ទាប់បន្សំ (បើទោះបីគេថាជារឿង សំខាន់ក៏ដោយ) ដែលគេលើកយកមក ដើម្បីបិទបាំងរឿង យុទ្ធនាការ១០០រាត្រី ឬ រឿងបញ្ហាដីកោះខ្មែរនានា និងបញ្ហាព្រំដែន បញ្ហានេះជាបញ្ហា សំខាន់បំផុតសម្រាប់យួន គឺគេយករឿងណា ដែលអាចធ្វើឱ្យខ្មែរ មានទំនាស់នឹងគ្នាមកដាក់មុខ ធ្វើឱ្យខ្មែរឈ្លោះទាស់ទែងគ្នារិតតែខ្លាំង នៅពេលហ្នឹងយួនគេបានដៃ បានឱកាសចូលមកជួយ រដ្ឋាភិបាលហ៊ុន សែនរិតតែច្រើន។ បើកាលណាប្រជាពលរដ្ឋខ្មែរ ជេរឬស្អប់ឬប្រឆាំងលោកហ៊ុន សែនខ្លាំងគឺយួនគេរិតតែអរ គឺរិតតែស្រែកបន្ទរ ឱ្យប្រឆាំងរិតតែខ្លាំង នេះជាល្បិចកិច្ចកលមួយ ដែលអ្នកនយោបាយខ្មែរ និងប្រជាពលរដ្ឋខ្មែរ មួយចំនួនធំ ឬរហូតដល់ ៩៥ ភាគរយមិនបានដឹងល្បិចនេះទេ ហើយគិតតែប្រឹងឈ្លោះ ប្រឹងជេរហើយ ស្អប់តែខ្មែរគ្នាឯង រហូតស្អប់ដល់ ស្តេចរបស់ខ្លួនទៅទៀត គឺមើលឃើញតែចំណុច អវិជ្ជមានមួយចំនួន ដែលគេបានចងជា ឯកសារសម្រាំងឱ្យ ដើម្បីយកមកវិភាគ និងវែកញែកតាម ឯកសារគេនោះ ថាជាឯកសារត្រឹមត្រូវ ហើយខ្មែរនេះ លឿនណាស់ រឿងជឿតាមគេ បើគេនិយាយត្រឹមត្រូវ មិនងាយជឿគេទេ នេះហើយជាបញ្ហា គឺបណ្តាលមកពី មិនបានមិនមានការ សិក្សាអបរំឱ្យបានត្រឹមត្រូវ និង ច្បាស់លាស់។ ហើយរឿងនេះ ក៏មិនមែនជាកំហុស របស់ពួកគាត់ដែរ គឺរដ្ឋាភិបាលដែលយួនបានបន្តុប គេបានរៀបចំកុំឱ្យកូនចៅខ្មែរ បានសិក្សាអបរំល្អ អញ្ចឹងឯង អញ្ចឹងហើយបានជាយើង ត្រូវចាំបាច់ផ្លាស់ប្តូររបៀប នៃការដឹកនាំនេះចេញ ទើបកូនចៅខ្មែរ រស់នៅបានល្អប្រសើរ បើមិនដូច្នោះទេ ខ្មែរមិនអាចងើបរួច ពីនឹមអាណានិគមនិយមបានទេ…៕

ចាប់តាំងពីថ្ងៃដែលលោកបណ្ឌិត កែម ឡី ត្រូវបានគេបាញ់សម្លាប់មកទល់នឹងពេលនេះ អ្នកគោរពស្រឡាញ់គាំទ្រលោក នៅតែចេញចូលគោរពទីបញ្ចុះសពរបស់លោកជាប្រចាំ។ នៅក្នុងបណ្ដាញសង្គមហ្វេសប៊ុក (facebook) មនុស្សម្នាក៏នៅតែបន្តសរសេរបង្ហាញពីអារម្មណ៍នឹករឭក និងសោកស្ដាយរបស់ខ្លួនចំពោះការបាត់បង់វីរបុរសនៅក្នុងបេះដូងរបស់គេ។

Source: http://www.rfa.org/khmer/news/analysis/Who-is-responsible-for-the-assassination-of-Dr-Kem-Ley-08112016093732.html

រត់ពន្ធភ្លុកដំរីជាងកន្លះតោនបង្កប់ក្នុងឡានកុងតឺនើរ៍ គយខ្មែរកំពុងសោមចាប់បាន…!

ភ្លុកដំរីដែលគេនាំចូលតាមច្រកកំពុងសោមប្រទេសកម្ពុជា តើគេនឹងនាំយកទៅទីណា ឬប្រទេសណា ពិតប្រាកដ? មានតែប្រទេសវៀតណាម ហើយនិងប្រទេសចិន។ តើមូលហេតុអ្វីបានជាគេទុកយូរម្លេះ ពីព្រោះគយចាប់បានតាំងពីឆ្នាំ ២០១៤ ហើយគេនឹងចាត់វិធានការណ៍ យ៉ាងណាដែរ ឬក៏លក់ចែកលុយគ្នាចាយ ឬយ៉ាងណា? ពីឆ្នាំហើយមិនឃើញម្ចាស់ មកបំពេញបែបបទទាមទារយកវិញទេ…៕

មន្ត្រីសាខាគយ និងរដ្ឋាករកំពង់ផែអន្តរជាតិ ខេត្តព្រះសីហនុ ចាប់បានភ្លុកដំរីជាងកន្លះតោន (៦១៣គីឡូក្រាម) ដែលឈ្មួញលួចដាក់បង្កប់ក្នុងកុងតឺន័រដឹកពោត។ កុងតឺន័រនោះត្រូវបានគេនាំចូលតាមច្រកកំពង់ផែនេះ កាលពីឆ្នាំ២០១៤ ហើយត្រូវម្ចាស់ទុកចោលមិនចូលខ្លួនមកបំពេញបែបបទនាំចេញអស់រយៈពេល ២ឆ្នាំកន្លងមក។

Source: http://www.rfa.org/khmer/news/social-economy/found-ivory-more-than-600kg-08052016043601.html

តើឈ្មោះជួបសម្លាប់ជាឃាតករបាញ់សម្លាប់ បណ្ឌិតកែមឡីពិតប្រាកដមែនឬយ៉ាងណា…!?

យើងទាមទារចង់ដឹងចង់បាននិងចង់ឃើញរឿងពិត តែមិនមែនរឿងប្រឌិត ឬសន្និដ្ឋានទេ។ តើអ្វីទៅជារឿងពិត និង អ្វីទៅជារឿងសន្និដ្ឋាន? រឿងពិតគឺរឿងអ្វីៗ ដែលមាននៅក្នុងពេល មុននិងពេល កំពុងនិងពេល ហើយបន្ទាប់ពី ពេលកើតហេតុ គឺមានដូចជាសកម្មភាពទាំងឡាយ៖ យើងចង់ដឹងរឿងពិត រឿងពិតដែលបុរសនេះ បានធ្វើសកម្មភាព ឬបាញ់ប្រហារនៅទីកន្លែងកើតហេតុ និង សកម្មភាពរត់ចេញក្រៅ ហើយបន្តររត់រហូត រត់តាមក្បែរថ្នល់ ហើយមាន កាំភ្លើងនៅដៃ និង មានសម្លៀកបំពាក់ជាខោពណ៌… អាវពណ៌… សក់ពណ៌…កំពស់… សប្បុរ… ទម្ងន់… រត់ពីណាទៅណា… ល្បើនដែលរត់… មានសកម្មភាព អ្វីខ្លះពេលកំពុងរត់ បាននិយាយជាមួយអ្នកណាខ្លះ និង មានមនុស្សផ្សេងៗទៀត គេធ្វើសកម្មភាពអ្វីខ្លះ ហើយចរាចរណ៍ និង បរិស្ថានជុំវិញ ក៏ដូចជាកន្លែងកើតហេតុ…ជាដើម ។ល។និង។ល៕

ឃាតកម្មបាញ់សម្លាប់លោក កែម ឡី នៅថ្ងៃទី១០ កក្កដា រហូតដល់ថ្ងៃទី២៩ ខែកក្កដា បានអូស បន្លាយមានរយៈពេល ២០ថ្ងៃហើយ។ រីឯអាជ្ញាធរអះអាងថា នៅតែបន្តនីតិវិធីស៊ើបអង្កេតករណី នេះនៅឡើយ។

Source: http://www.rfa.org/khmer/news/social-economy/kemley-murder-case-07302016044544.html

សាលាក្តីខ្មែរក្រហមនឹងបន្តរសវនាការលើអង្គ ហេតុបោសសំអាតផ្ទៃក្នុងនៃកុម្មុយនិស្តកម្ពុជា

រឿងការបោសសំអាតខ្មាំងនេះ មានតាំងពីសម័យតស៊ូម្លេះ តាមគោលការណ៍ នយោបាយរបស់គេ ដែលគេបានអបរំ កម្មាភិបាលនិងមនុស្សទួទៅ នៅក្នុងភូមិឃុំ ឬ សហករណ៍ ហើយប្រជាជន តែង និយាយរឿងនេះ ទៅវិញទៅមកតៗគ្នា គឺគេថា រែងយកអង្ករដើម…។ នេះបើតាមធ្លាប់រស់នៅជាមួយ របបនោះតាំងពីនៅក្មេង គឺពេលដែលនៅជាលោកនេន ឬជាលោកសង្ឃនៅក្នុងព្រៃ គឺជាគោល នយោបាយមុនដំបូងបំផុត ដែលគេបានអបរំប្រជាជន ឱ្យប្រព្រឹត្តអំពើល្អតាមអង្គការបក្សកម្មុយនិស្តកម្ពុជា គឺឱ្យមានការស្មោះត្រង់ចំពោះអង្គការ ហើយក៏ជាពេលដែលគេអបរំឱ្យហៅគ្នាជាមិត្តៗ ហើយមានអ្នកខ្លះ គេថា ហៅម៉ែឪក៏ជាមិត្តៗផងដែរ គឺកាលណោះនៅដើមឆ្នាំ ១៩៧៣ ក្នុងខែមេសា។ នៅពេលនោះហើយ ដែលគេរៀបចំបង្កើតជា សហករណ៍តាមភូមិនិមួយៗ នៅក្នុងព្រៃ។ ចំណែក លោកសង្ឃវិញ គេមិនបានឱ្យ នៅក្នុងសហករណ៍ជាមួយអ្នកស្រុកទេ គេបានអនុញ្ញាតឱ្យធ្វើ វត្តនៅ ដោយឡែកពីភូមិឬសហករណ៍ ហើយព្រះសង្ឃនៅមានសិទ្ធិគោរពសាសនាជាធម្មតា ពេលព្រឹកព្រះ សង្ឃអាចនិមន្តតបិណ្ឌបាតតាម ភូមិឬសហករណ៍ជាធម្មតា ហើយអ្នកស្រុកអាចធ្វើបុណ្យទានបានតាមទំនៀមទំលាប់ជាធម្មតា…(៧ ឆ្នាំនៅក្នុងព្រៃ ១៩៧២-៧៩) ៕

អង្គជំនុំជម្រះសាលាដំបូងនៃសាលាក្ដីខ្មែរក្រហម នឹងបន្តសវនាការរបស់ខ្លួនឡើងវិញនៅព្រឹកថ្ងៃ អង្គារ ទី២៦ ខែកក្កដា បន្ទាប់ពីបានឈប់សម្រាករយៈពេល ៣សប្ដាហ៍។ សវនាការបន្តនេះ សាលា ដំបូងនឹងចាប់ផ្ដើមដោយអង្គហេតុបោសសម្អាតខ្មាំងផ្ទៃក្នុងរបស់បក្សកុម្មុយនិស្តកម្ពុជា នៅក្នុងរបប កម្ពុជាប្រជាធិបតេយ្យ។

Source: http://www.rfa.org/khmer/news/krt/ECCC-Trial-Chamber-To-Commence-Its-Hearing-On-CPK-Internal-Purge-In-Case-002-02-07252016100641.html

អាជ្ញាធរបង្ហាញសញ្ញានៃភាពលំបាកក្នុងការ សើបអង្កេតករណីឃាតកម្មបណ្ឌិតកែមឡី…!?

បើតាមស្តាប់មើលទៅ វាមិនមែនជារឿងពិបាកក្នុងការសើបអង្កេតនោះទេ បើសិនជារឿងនេះ
វាមិនទាក់ទងរឿង នយោបាយ និង ភាពដែលលំបាកនោះគឺគេ…មិនព្រមឱ្យសើបអង្កេត និង មិនព្រមឱ្យបញ្ចេញឬបង្ហាញភស្តុតាងមានវីឌីអូខេមរ៉ា ក្នុងទីកន្លែងកើតហេតុ ជុំវិញទីកន្លែង
កើតហេតុ និងសាក្សីជាដើម ទាំងអស់នេះហើយជាបញ្ហា…៕

អាជ្ញាធរកម្ពុជា ចាប់ផ្តើមបង្ហាញសញ្ញានៃភាពលំបាកបន្តិចម្តងៗជុំវិញការស៊ើបអង្កេតករណីឃាតកម្ម លើលោកបណ្ឌិត កែម ឡី ដោយមកដល់ពេលនេះ អាជ្ញាធរគ្មានតម្រុយបន្ថែមទៀតទេនៅក្នុងសំណុំ រឿងនេះ។ រីឯបក្សប្រឆាំង និងអង្គការសង្គមស៊ីវិល ក៏ចាប់ផ្តើមអស់សង្ឃឹមពីការទទួលបានយុត្តិធម៌។

Source: http://www.rfa.org/khmer/news/social-economy/authorities-investigation-into-Dr-Kem-Ley-murder-07262016093903.html

មានចេញបទបញ្ជារមិនឱ្យទូរទស្សន៍ក្នុងស្រុក ផ្សាយរឿងឃាតកម្មលោកបណ្ឌិតកែមឡី…!?

មន្ត្រីរដ្ឋាភិបាល បានច្រានចោលព័ត៌មានដែលថា រដ្ឋាភិបាលបានចេញបញ្ជាមិនឲ្យទូរទស្សន៍ក្នុងស្រុកផ្សាយអំពីព្រឹត្តិការណ៍ហែសពបណ្ឌិត កែម ឡី។ ការបដិសេធនេះ បន្ទាប់ពីមានសារទូរស័ព្ទដៃបែកធ្លាយ ដែលផ្ញើទៅអ្នកសារព័ត៌មានដោយសរសេរបទបញ្ជាថា មិនឲ្យផ្សាយពីរឿងឃាតកម្មចាប់ពីពេលនេះតទៅ។

Source: http://www.rfa.org/khmer/news/human-rights/Govt-official-denied-bans-local-media-from-broadcasting-Dr-Kem-Ley-funeral-07252016095502.html

សពលោកបណ្ឌិតកែមឡីត្រូវបានបញ្ចុះហើយ នៅឯស្រុកកំណើតរបស់គាត់ខែត្រតាកែវ…!

កម្មំ សត្តេ វិភជ្ជតិ ហីណប្បណី តតាយ កម្មតែងចែកសត្វលោក ឱ្យថោកទាបនិងថ្លៃថ្លា។ កម្មគឺអំពើ អំពើគឺចលនា ចលនាគឺនយោបាយ នយោបាយគឺល្បិចកិច្ចកល ល្បិចកិច្ចកលគឺបច្ចេកទេស បច្ចេកទេសគឺការសិក្សាអបរំ ការសិក្សាអបរំគឺតម្រិះវិជ្ជា តម្រិះវិជ្ជាគឺចំណេះដឹង ចំណេះដឹងគឺជាជញ្ជីង សម្រាប់ថ្លឹងថ្លែងនូវ បុណ្យនិងបាប គុណនិងទោស វិជ្ជមាននិងអវិជ្ជមាន ចំពោះមនុស្សសត្វលោកទួទៅ…។ នៅទីបំផុត សូមឱ្យវិញ្ញាណក្ខ័ន្តលោក បណ្ឌិតកែម ឡីបានទៅកាន់សុគតិភព កុំបីឃ្លៀងឃ្លាតឡើយ៕៚…

សពបណ្ឌិត កែម ឡី អ្នកសិក្សាការអភិវឌ្ឍសង្គម ត្រូវបានបញ្ចុះហើយ នៅព្រឹកថ្ងៃទី២៥ កក្កដា វេលាម៉ោង១១ កន្លះ នាគេហដ្ឋានរបស់លោក ក្នុងខេត្តតាកែវ តាមគម្រោង ដោយមិនបន្តរតម្កល់ ទៀតឡើយ។

Source: http://www.rfa.org/khmer/news/social-economy/Kemley-body-is-buried-at-Takeo-07242016231708.html

លោកកឹមសុខាថានឹងយកដម្បូន្មានរបស់លោក បណ្ឌិតកែមឡីជាគំរូសម្រាប់ដឹកនាំប្រទេស…

គឺមានការយល់ខុសៗគ្នា អំពីរឿងលោកបណ្ឌិតកែម ឡី ដែលគាត់ហ៊ានបញ្ចេញមតិយោបល់ ដោយមិនខ្លាចមិនញញើត គឺជឿថាមានអ្នកធំនៅពីក្រោយដែលបើកដៃឱ្យគាត់និយាយ ទើប         គាត់ហ៊ាននិយាយ គឺដូចជាគណបក្សដែលពូកែជេរគេ ក៏មានខ្នងធំនៅពីក្រោយផងដែរ ហើយ ក៏មិនខុសគ្នានឹងបក្សអំណាចពលរដ្ឋខ្មែរផងដែរ និយាយស្រែកជេរអត់ខ្លាចអីបន្តិច តែទីបញ្ចប់ មកនៅជាមួយសម្តេចដដែល។

ហើយមនុស្សភាគច្រើន ដែលគេដឹងថា គណបក្សថ្មីៗដែលបានបង្កើតសុទ្ធតែអ្នកធំនៅក្នុងជួរ រដ្ឋាភិបាលនៅពីក្រោយបើទោះបីជាគណបក្សទាំងនោះ មានការឃោសនាប្រឆាំងនឹងរដ្ឋាភិបាល ក៏ដោយ។ ហើយបានគិតឃើញថា លោកបណ្ឌិតកែម ឡីធ្វើបែបនេះ គឺគាត់ចង់យកប្រជាប្រិយ     ភាពលើគណបក្សសង្រ្គោះជាតិ។

ក្នុងខណៈដែលមេគណបក្សសង្រ្គោះជាតិទាំងពីរកំពុងរង្រ្គោះពីការវាយប្រហាររបស់បក្សកាន់  អំណាច ហើយយើងមានការព្រួយបារម្ភចំពោះអនាគតគណបក្សសង្រ្គោះជាតិថា លោកកែម ឡីជាអ្នកគ្រប់គ្រង នេះជាល្បិចនយោបាយ ដូច្នេះលោកបណ្ឌិតកែម ឡីមិនដែលមានការព្រួយ បារម្ភរឿងគេធ្វើបាប ដូចដែលគាត់បាននិយាយនោះទេ… នេះជាការយល់ឃើញ។

ដូចជាយុទ្ធនាការ ១០០ រាត្រី យុទ្ធនាការនេះគ្រោះថ្នាក់ណាស់ គឺជឿថាគាត់មិនអាចហ៊ានធ្វើទេ បើសិនជាអ្នកធំ មិនបានបើកដៃឱ្យគាត់ធ្វើ គឺមិនខុសគ្នានឹងយុទ្ធនាការរបស់បណ្ឌិតសុខ ទូចដែល ទៅវាស់វែងរឿងព្រំដែននោះទេ។ គឺជឿថាក្រុមបណ្ឌិតកែម ឡី និង បណ្ឌិតសុខទួចជាក្រុមតែមួយ នេះជាការយល់ឃើញ គ្រាន់តែពួកគាត់បំបែកគ្នា ប៉ុណ្ណោះ…។

ចំពោះអ្នកវិញ តើយល់យ៉ាងណាដែរ…? តើអាចជឿបានទេ?តើមូលហេតុអ្វីដែលគេសម្លាប់គាត់? ចំពោះការដែលគេ បាញ់សម្លាប់គាត់ សម្តេចហ៊ុន សែន និង មន្រ្តីគណបក្សកាន់អំណាចមាន ការសោកស្តាយណាស់ដែរ ដោយគិតឃើញ ថាអ្នកខាតបង់គឺរដ្ឋាភិបាល។ តែបន្តិចក្រោយមក ចង់បង្វែររឿងនេះថា មនុស្សបក្សផ្សេងជាអ្នកធ្វើទៅវិញ…!?

មេដឹកនាំបក្សប្រឆាំង ប្រកាសយកអនុសាសន៍លោកបណ្ឌិត កែម ឡី ទៅអនុវត្ត បើសិនខ្លួនដឹកនាំ ប្រទេស។ ផ្ទុយទៅវិញ មេដឹកនាំបក្សកាន់អំណាច ហាក់មិនចាប់អារម្មណ៍នឹងពិធីដង្ហែសពនោះ ឡើយ ប៉ុន្តែបង្ហាញពីរូបភាព ក្រុមគ្រួសាររបស់ខ្លួនទៅវិញ។

Source: http://www.rfa.org/khmer/news/politics/Opinions-of-govt-and-CNRP-on-Dr-Kem-Ley-funeral-procession-07242016093125.html

មានមនុស្សរាប់សែននាក់បានចូលរួមដង្ហែរ សពលោកបណ្ឌិតកែម ឡីទៅស្រុកកំណើត

មនុស្សរាប់សែនម៉ឺននាក់ចូលរួមដង្ហែសពបណ្ឌិត កែម ឡី ទៅខេត្តតាកែវនៅថ្ងៃអាទិត្យ ទី២៤ ខែកក្កដា។ ពិធីដង្ហែចាប់ផ្ដើមចេញពីវត្តពោធិយារាម ហៅវត្តចាស់ ក្នុងរាជធានីភ្នំពេញ ឆ្ពោះទៅស្រុកកំណើតលោក កែម ឡី នៅក្នុងភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ ចាប់ពីម៉ោង ៧ព្រឹក។

Source: http://www.rfa.org/khmer/news/social-economy/a-thousand-people-joint-Kemley-funeral-07232016203955.html

បើតាមវិទ្យុអាស៊ីសេរីក្រុមកម្មករសហជីពនិង កសិករនឹងនាំគ្នាទៅដង្ហែរសពបណ្ឌិតកែមឡី ទាំងអស់គ្នាចាប់ពីវត្តចាស់រហូតស្រុកកំណើត

ក្រុមសហជីព កម្មករ និងកសិករឲ្យដឹងថា ពួកគេនឹងចូលរួមដង្ហែសពលោកបណ្ឌិត កែម ឡី ដែលចាប់ផ្ដើមពីវត្តចាស់ រហូតដល់ស្រុកកំណើតលោក កែម ឡី នាខេត្តតាកែវ នៅថ្ងៃទី២៤                  ខែកក្កដា។ ពលរដ្ឋដែលត្រៀមចូលរួមដង្ហែសពលោកបណ្ឌិត កែម ឡី គឺដើម្បីបង្ហាញការ សោកស្ដាយអំពីវីរភាពរបស់លោក។

Source: http://www.rfa.org/khmer/news/social-economy/kem_ley-07232016083554.html

មតិយោបល់ពីសង្គមស៊ីវិលសោកស្តាយលោក បណ្ឌិតកែមឡីដែលគាត់បានជួយធ្វើការងារ…

សាធារណជនទូទៅដែលស្ដាយស្រណោះលោក កែម ឡី ភាគច្រើនបានស្គាល់តាមរយៈប្រព័ន្ធ  ផ្សព្វផ្សាយនានា ដែលតែងផ្សាយពីការវិភាគរបស់លោក។ ចំណែកអ្នកធ្វើការងារសង្គម និងអង្គការ សង្គមស៊ីវិលដែលកំពុង ស្ដាយស្រណោះបណ្ឌិត កែម ឡី ដែរនោះពួកគេមានមនោសញ្ចេតនា                ជ្រៅជាងដ្បិតពួកគេបានធ្វើការងារជាមួយលោក។

Source: http://www.rfa.org/khmer/news/social-economy/civil-society-opinions-on-kemley-07232016052427.html

ខួបពីរឆ្នាំនៃកិច្ចព្រមព្រៀងឬវប្បធម៌សន្ទនារវាង បក្សប្រជាជននិងបក្សសង្រ្គោះជាតិត្រូវគាំង…!?

វប្បធម៌សន្ទនារវាងគណបក្សទាំងពីរត្រូវបានគាំង ឮសូរថាដោយសារមិនទុកចិត្តគ្នា ចូលចិត្តជាន់ជើងគ្នា ប៉ែងជើងគ្នា ចង្អុលមុខគ្នា និងបន្ទោសគ្នា ទៅវិញទៅមក តែប្រជាពលរដ្ឋមិនបានដឹង មិនបានឃើញទេ តែឮតែពួកគាត់បន្ទោសគ្នា។ នេះទំនងជាមកពី មិនស្មោះត្រង់ជាមួយគ្នា ចង់ឈ្នះចាញ់គ្នា ចង់យកប្រៀបគ្នា ទៅវិញទៅមក ឬយ៉ាងណាដែរ។ ចូរស្វែងយល់ និងជួយបញ្ចេញ មតិយោបល់ទាំងអស់គ្នាមើល…!?

ថ្ងៃទី២២ ខែកក្កដា ជាខួបពីរឆ្នាំនៃកិច្ចព្រមព្រៀងបញ្ចប់វិបត្តិនយោបាយរបស់គណបក្សទាំងពីរដែលមាន អាសនៈក្នុងសភា។ ប៉ុន្តែរហូតមកដល់ពេលនេះ បក្សប្រឆាំងនៅតែធ្វើការក្រៅសភាដដែល ព្រោះតែវិបត្តិ នយោបាយនៅតែបន្តកើតឡើងជាថ្មីទៀត។

Source: http://www.rfa.org/khmer/news/politics/2nd-of-politics-agreement-cpp-cnrp-07222016073452.html

ឆ្លើយតបទៅនឹងគោលការណ៍ឬផែនការណ៍ នយោបាយរបស់បក្សសង្រ្គោះជាតិ…!

បើតាមស្តាប់មើលទៅ មិនអាចធ្វើអ្វីដូចដែលចង់បានទៅរួចទេ
បញ្ហានឹងនៅដដែល និង ប្រហែលជាយ៉ាប់ជាងមុន ដោយសារ
អ្នកចាញ់មិនសុខចិត្តចាញ់ អ្នកឈ្នះគ្មានអំណាចគ្រាប់គ្រាន់នឹង
ធ្វើអ្វីដែលខ្លួនចង់បាន នយោបាយនឹងនៅគាំងដដែល ខ្មែរនិង

បាត់បង់ឱកាស ហើយមិនអាចធ្វើអ្វីបានទាំងអស់ ហើយអ្នក
នយោបាយជំនាន់នេះក៏ចាស់ៗអស់់ អញ្ចឹងពួកយួនគេមានឱកាស
គេមានកម្លាំង គេមានល្បិច ប្រជាជនគេមានរិតតែច្រើនចូលមក
ស្រុកខ្មែរ ដោយសារតែខ្មែរគិតតែពីទាស់ទែងខ្វែងគំនិតគ្នា គឹមិន
អាចធ្វើកិច្ចការដដែលជាដដែលបន្តរទៀតទេ ។

គឺខ្មែរត្រូវតែផ្លាស់ប្តូរនូវប្រព័ន្ធនយោបាយដឹកនាំ ទើបអាចដោះស្រាយ
បាននូវអ្វីៗដែលខ្មែរត្រូវការចង់បាន បើមិនដូច្នោះទេ មិនអាចទៅរួចទេ
ឬអាចទៅបានដែរ ដូចទៅមួយជំហាន ថោយក្រោយបីជំហាន មាន
បានស្អីមានតែខាត។ គឹការផ្លាស់ប្តូរនូវប្រព័ន្ធនយោបាយដឹកនាំមិនចាំ                     បាច់រងចាំដល់ពេលបោះឆ្នោត ២០១៧-១៨ទេ ហើយក៏មិនប៉ះពាល់

ដល់រឿងការចុះឈ្មោះឬការបៀឆ្នោតខាងមុខនេះដែរ មានការកែរ
ទម្រង់បោះឆ្នោតដែរតែបន្តិចបន្តួច តែខ្មែរបានផលប្រយោជន៍ច្រើន
ណាស់លើគ្រប់វិស្ស័យ គឹមានស្ថិរភាពនយោបាយ សេដ្ឋកិច្ច វប្បធម៌
សង្គមកិច្ច និង សន្តិសុខ ហើយកាត់បន្ថយបញ្ហាប្រឈមមុខដាក់គ្នា
៩៩ ភាគរយ…។

សូមស្វាគមន៍នូវសំណួរទាំងឡាយ ដែលពាក់ព័ន្ធរឿងប្រព័ន្ធនយោ
បាយ ក៏ដូចជារចនាសម្ព័ន្ធនយោបាយ ឬ អ្វីៗដែលត្រូវការរៀបចំ
នាពេលដ៏ខ្លីខាងមុខនេះ ការសួរឆ្លើយឆ្លងដេញដោលគ្នានិងពិភាក្សា
គ្នា ស្វែងយល់គឺប្រសើរបំផុត ។ មិនតែរឿងក្នុងប្រទេស រឿងជាតិ
និង អន្តរជាតិ ជាពិសេស រឿងព្រំដែនដែលពាក់ព័ន្ធប្រទេសជិតខាង
ក៏រៀបចំខ្លួនជាស្រេចសម្រាប់ដោះស្រាយដែរ…៕

ប្រព័ន្ធនយោបាយខ្មែរទំនើប គឺជាប្រព័ន្ធនយោបាយ ដ៏ល្អបំផុតក្នុងលោក!

នេះជាប្រព័ន្ធនយោបាយ ដែលមានសន្តិសុខ និង សុវត្ថិភាព ជាទីបំផុតក្នុងលោក។ ជាប្រព័ន្ធដែល មិន ផ្តាច់ការ ជាប្រព័ន្ធ ពោរពេញទៅដោយសិទ្ធិសេរីភាព ជាប្រព័ន្ធចែករំលែក មិនហួងហែងតែម្នាក់ឯង ជាប្រព័ន្ធ សេរីនិយម ជាប្រព័ន្ធរាជា និយម ជាប្រព័ន្ធកុម្មុយនិស និយមផងដែរ ជាប្រព័ន្ធឱ្យមនុស្ស ចេះស្រឡាញ់មនុស្ស ជាប្រព័ន្ធឱ្យ មនុស្សចេះធ្វើការជាមួយគ្នា ជាប្រព័ន្ធជំរុញ ឱ្យមនុស្ស ចេះសាមគ្គីគ្នា ជាប្រព័ន្ធធ្វើឱ្យមនុស្សចេះចរចារ ពិភាក្សាគ្នា ចេះឯកភាពគ្នា ចេះចែកគ្នារស់ មិនកំណាញ់ ធ្វើឱ្យមនុស្ស មានចិត្តទូលាយ មិនចង្អៀតមិនចង្អល់ និង ជាប្រព័ន្ថយដែលអាចកាត់ បន្ថយការប្រើអំពើហឹង្សា ការព្យាបាទឈ្នានិះគ្នា និង កាត់បន្ថយអំពើឃាតកម្ម រហូតដល់ ៩០ ភាគរយ ហើយជាប្រព័ន្ធតម្រូវឱ្យ មនុស្សមានការសិក្សា អបរំខ្ពស់ មានកម្រិតវីជ្ជាខ្ពស់ មានធនធាន មនុស្សខ្ពស់ និង ធ្វើឱ្យប្រទេសជាតិ លូតលាស់ និង រីកចម្រើនលឿន ខ្ពស់និងឆាប់រហ័សជាទីបំផុត គឺគ្មានប្រព័ន្ធនយោបាយ ណាក្នុងពិភពលោក ឱ្យប្រសើរជាងនេះទេ៕៚…

ការពិភាក្សាតុមូលរបស់វិទ្យុអាស៊ីសេរីរវាង បណ្ឌិតបីនាក់ថាតើឃាតកម្មទៅលើបណ្ឌិត កែមឡីនឹងមានអ្វីផ្លាស់ប្តូរទេ នៅកម្ពុជា…!?

ការផ្លាស់ប្តូរប្រាកដជាមាន តែយើងចង់បានការផ្លាស់ប្តូជាវិជ្ជមាន គឺមិនចង់ឃើញមាន ការបង្ហូរឈាមគ្នា មិនចង់ឃើញមាន ការប្រើអំពើហឹង្សា ហើយក៏មិនចង់ឃើញមាន អ្នកឈ្នះនិងអ្នកចាញ់ ដែលអាចបង្ករ ជាបញ្ហា គឹយើងចង់ឃើញ ខ្មែរទាំងអស់គ្នា ធ្វើការជាមួយគ្នា រស់នៅជាមួយគ្នា ហើយសាមគ្គីគ្នាជាធ្លុងមួយ ដើម្បីអភិវឌ្ឍន៍ ប្រទេសជាតិទាំងអស់គ្នា។ តើខ្មែរយើងអាចធ្វើបានទេ?

គឺខ្មែរយើងប្រាកដជា អាចធ្វើបាន តែត្រូវឈរលើក្បួន លើប្រព័ន្ធនយោបាយខ្មែរទំនើប ទើបអាចធានាបាននូវ ស្ថិរភាពនយោបាយ ស្ថិរភាពសេដ្ឋកិច្ច ស្ថិរភាពវប្បធម៌ ស្ថិរភាពសង្គមកិច្ច និង ស្ថិរភាពសន្តិសុខ។  គឺស្ថិរភាពនយោបាយទាំង ៥ នេះសំខាន់ណាស់។

បើមិនដូច្នោះទេ ការឈ្នះនោះ មិនអាចធានាបាននូវ ស្ថិរភាពនយោទេ បើបានវិញ ក៏បានរយៈពេលខ្លីណាស់ គឺបានក្នុងនាមសន្យាគ្នា ដោយទើសទាល់ ដោយបង្រ្គប់កិច្ច គឺបើដូច្នេះ យើងមិនគួរយកឈ្នះ  តាមរបៀប បង្រ្គប់កិច្ចហ្នឹងទេ គឺគ្រោះថ្នាក់ណាស់ ខាតប្រយោជន៍ ខាតពេលវេលា ហើយបាត់បង់ អាយុជីវិតខ្មែរទៀត គឺប្រវត្តិសាស្រ្តខ្មែរ បានបង្ហាញហើយ បង្ហាញទៀត គឺសូមកុំធ្វើតាម ផ្លូវខុស  ដដែលៗទៀត…។

គឺសូមអ្នកនយោបាយខ្មែរ សូមយុវជន-យុវនារីខ្មែរ និង សូមប្រជាពលរដ្ឋខ្មែរទាំងអស់ ទាំងក្នុងនិងខាងក្រៅប្រទេស សូមកុំធ្វើ នយោបាយទូកក្តោង សូមកុំធ្វើ នយោបាយទឹករលកបោកច្រាំង និង សូមកុំធ្វើ នយោបាយហៃអើ! ហៃអើ!  គឺធ្វើនយោបាយតាម ក្បួនយុទ្ធសាស្រ្តថ្មីដ៏ត្រឹមត្រូវ  គឺតាមក្បួន ប្រព័ន្ធនយោបាយខ្មែរទំនើប គឺសូមមើលសិក្សាពិចារណា ឱ្យបានច្បាស់លាស់ ឱ្យបានស៊ីជម្រៅ គឺសូមយកក្បួននយោបាយ ទាំងអស់ហ្នឹងមកប្រៀបធៀបគ្នា។

ប្រព័ន្ធនយោបាយសព្វថ្ងៃមាន ៣ គឺ៖ ប្រព័ន្ធនយោបាយ រាជានិយម សេរីនិយម និង កុម្មុយនិសនិយម។ គឺប្រព័ន្ធ នយោបាយទាំងបីនេះ មិនឃើញមានរៀបចំ ជារចនាសម្ព័ន្ធ ឱ្យបានច្បាស់លាស់ទេ តែប្រកាន់លទ្ធិ ប្រជាធិបតេយ្យតែមួយ ក៏ប៉ុន្តែលទ្ធិប្រជាធិបតេយ្យនោះ មិនដូចគ្នាទេ បើទោះបីជាក្នុងច្បាប់ រដ្ឋធម្មនុញ្ញចែងថា ប្រកាន់លទ្ធិ ប្រជាធិបតេយ្យ សេរីនិយម ពហុបក្សក៏ដោយ។

ចំណែកប្រព័ន្ធ នយោបាយខ្មែរ ទំនើបវិញ ប្រកាន់លទ្ធិ ប្រជាធិបតេយ្យ សេរីនិយម ពហុបក្សខ្មែរអង្គរ គឺមិនខុសគ្នាទេ លទ្ធិប្រជាធិបតេយ្យដូចគ្នា  ប៉ុន្តែខុសគ្នាត្រង់ រចនាសម្ព័ន្ធនយោបាយ គឺប្រព័ន្ធនយោបាយ ខ្មែរទំនើបនេះយក នយោបាយ សេដ្ឋកិច្ច វប្បធម៌ សង្គមកិច្ច និង សន្តិសុខ ជារចនាសម្ព័ន្ធ នយោបាយដឹកនាំ គឺមានភាពប្រាកដប្រជា ពេញលេញ ច្បាស់លាស់ និង ត្រឹមត្រូវទាន់សម័យ ឬ គេហៅថា សម័យសាកល ភាវូបនីយកម្ម ឬ ជាសម័យជឿនលឿន ផ្នែកបច្ចេកវិទ្យាកំព្យូទ័រទំនើប។

គឺសង្ឃឹមថា នៅពេលដ៏ខ្លីខាងមុខនេះ ប្រព័ន្ធនយោបាយខ្មែរទំនើប នឹងដើរតួរយ៉ាងសំខាន់ ដើម្បីសម្របសម្រួល សម្រុះសម្រួល បញ្ចប់នូវសង្រ្គាម កាប់សម្លាប់គ្នា ទាស់ទែងខ្វែងគំនិតគ្នា និង ព្រាត់ប្រាសនិរាស្ត បែកបាក់ មនុស្សជាទីស្រុឡាញ់ ហើយប្រកាន់បានយ៉ាងល្អ នូវលទ្ធិប្រជាធិបតេយ្យ សេរីនិយមពហុបក្ស និងជួយជំរុញ ឱ្យខ្មែរមានចំណេះដឹងនូវគ្រប់ បច្ចេកវិទ្យាទំនើបៗទាន់សម័យ ក្នុងពិភពលោក… ៕៚

កិច្ចពិភាក្សាតុមូលវិទ្យុអាស៊ីសេរី នៅយប់ថ្ងៃទី១៧ ខែកក្កដា ពិភាក្សាអំពី៖ «តើឃាតកម្មលើលោកបណ្ឌិត កែម ឡី នឹងអាចធ្វើឲ្យកម្ពុជាមានការផ្លាស់ប្ដូរអ្វីខ្លះទេ?»។

Source: http://www.rfa.org/khmer/callshow/Does-the-murder-of-Analyst-Kem-Ley-will-make-any-change-in-Cambodian-society-07172016085516.html

ពត៌មាននាៗពីបណ្ឌិតកែមឡីកាលនៅវ័យកុមារ និងជម្រើសទីកន្លែងបញ្ចុះសាកសពរបស់លោក

ភរិយាលោកកែម ឡី សម្រេចចិត្តមិនដង្ហែរសពទៅ ស្រុកកំណើតនៅ ខែត្រតាកែវនៅ ថ្ងៃអាទិត្យនេះទេ ហើយនិងធ្វើអ្វីៗទៅតាម សេចក្តីសម្រេចចិត្តរបស់ គណកម្មការបុណ្យ។ ចំណែកប្រធានស្តីទីរបស់ គណបក្សសង្រ្គោះជាតិ គឺលោកកឹម សុខាសម្រេចចិត្ត មិនមកគោរំវិញ្ញាណក្ខ័ន្តលោកកែម ឡីដល់ទីកន្លែងទេ ដោយសារស្ថានការណ៍ នយោបាយតានតឹង គឺគាត់បានធ្វើការគោព វិញ្ញាណក្ខ័ន្តនៅក្នុង ទីស្នាក់ការគណបក្ស។ ហើយអ្នកជាប់ទោសនយោបាយ របស់បក្សសង្រ្គោះជាតិ ទាំង ១៥ នាក់បានកោរសក់ ទាំងអស់គ្នាកាន់ទុក្ខ លោកបណ្ឌិតកែម ឡីដែរនៅក្នុងពន្ធធានាគារ។ ចំណេកក្រុមអ្នក វិភាគនយោបាយ វ័យក្មេងរបស់លោក បណ្ឌិតកែម ឡី បានផ្តេជ្ញាគោរពធ្វើតាម លោកបណ្ឌិតកែម ឡី ប៉ុន្តែមិនសម្រេចចិត្ត ចូលបក្សនយោបាយទេ។ ចូរដឹងថាលោក បណ្ឌិតកែម ឡីធ្លាប់ជាសមាជិក ស្ថាបនិករបស់គណបក្ស ប្រជាធិបតេយ្យមូលដ្ឋាន…៕

អ្នករស់នៅជាមួយលោកបណ្ឌិត កែម ឡី ដែលត្រូវជាសាច់ញាតិ និងអ្នកភូមិផងរបងជាមួយ ដែលជាស្រុក កំណើតរបស់លោក កែម ឡី សុទ្ធតែបានអះអាងថា អ្នកវិភាគសង្គម និងបញ្ហានយោបាយរូបនេះ គឺជាអ្នក មានប្រាស្រ័យទាក់ទងល្អហើយជាមួយអ្នកភូមិ និងក្រុមគ្រួសារ។

Source: http://www.rfa.org/khmer/news/social-economy/Kemley-childhood-profile-07152016204915.html

តាមមតិយោបល់ប្រជាជនខ្មែរទាំងក្នុងនិងក្រៅ ប្រទេសពិធីដង្ហែរសពលោកកែមឡីត្រូវបានប្តូរ…

គណៈកម្មការបុណ្យសពលោកបណ្ឌិត កែម ឡី សម្រេចពន្យារពេលដង្ហែសពលោក កែម ឡី ទៅខេត្តតាកែវ នៅថ្ងៃ១៧ ខែកក្កដា តាមសំណើរបស់ប្រជាពលរដ្ឋទាំងក្នុង និងក្រៅស្រុក។

Source: http://www.rfa.org/khmer/news/social-economy/7day-funeral-of-kemley-07152016035658.html

វីឌីអូសម្ភាសអំពីយុទ្ធនាការ ១០០ រាត្រី របស់លោកបណ្ឌិតកែមឡី…

យុទ្ធនាការ១០០រាត្រី គឺលោកបណ្ឌិតកែម-ឡីធ្វើបាន ១៣ ខែត្រ-ក្រុងហើយ បើតាមការសម្ភាសក្នុងវីឌីអូនេះ

សម្តេចនាយករដ្ឋមន្រ្តីខ្មែរហ៊ុនសែនដឹកនាំគណៈ ប្រតិភូទៅប្រជុំកំពូលអាស៊ី-អឺរ៉ុបនៅម៉ុងហ្គោល…

លោកនាយករដ្ឋមន្ត្រី ហ៊ុន សែន ដែលដឹកនាំគណៈប្រតិភូទៅចូលរួមកិច្ចប្រជុំកំពូលអាស៊ី-អឺរ៉ុប លើកទី១១ បានទៅដល់ប្រទេសម៉ុងហ្គោលី នៅល្ងាចថ្ងៃទី១៤ ខែកក្កដា។

Source: http://www.rfa.org/khmer/news/politics/pm-hun-sen-attend-the-11th-asem-summit-07142016095220.html

លោកឯកឧត្តមកឹមសុខា អនុប្រធាននិង ប្រធាន ស្តីទីរបស់ គណបក្សសង្រ្គោះជាតិ ត្រូវបានចៅក្រម សើបសួរចេញដីការហាម ចេញក្រៅប្រទេស…

ចៅក្រមស៊ើបសួរនៃសាលាដំបូងរាជធានីភ្នំពេញ បានចេញដីកាមួយនៅថ្ងៃទី១៤ ខែកក្កដា ហាមលោក កឹម សុខា មិនឲ្យចាកចេញពីប្រទេសកម្ពុជា។

Source: http://www.rfa.org/khmer/news/law/kem-sokha-07142016072614.html

ស្ថាប័នអន្តរជាតិនានា ថ្កោលទោសចំពោះ ឃាតកម្មទៅលើលោកបណ្ឌិតកែម ឡី…

គិតចាប់ពីថ្ងៃទី១០ កក្កដា មកដល់ថ្ងៃទី១៤ កក្កដា គឺស្ថាប័នសំខាន់ៗមួយចំនួន ទាំងជាតិ និងអន្តរជាតិ រួមទាំងស្ថានទូតផង បានចេញសេចក្ដីថ្លែងការណ៍ថ្កោលទោសចំពោះឃាតកម្មលើលោកបណ្ឌិត កែម ឡី និងស្ថាប័នខ្លះ ទាមទារឲ្យរដ្ឋាភិបាលស្វែងរកមុខឃាតកពិត និងអ្នកបញ្ជានៅពីក្រោយខ្នងយកមក ផ្ដន្ទាទោសតាមច្បាប់។

Source: http://www.rfa.org/khmer/news/politics/National-and-international-institutions-condemned-of-Dr-Kem-ley-murder-07142016091629.html

មតិយោបល់របស់ប្រជាជនខ្មែរនៅអាមេរិក ជុំវិញឃាតកម្មរបស់លោកបណ្ឌិតកែម ឡី…

ប្រជាពលរដ្ឋខ្មែរ-អាមេរិក នៅតាមរដ្ឋជាច្រើន បានសម្ដែងក្តីសោកស្ដាយ និង ថ្កោលទោសជាខ្លាំង ចំពោះការបាញ់សម្លាប់លោកបណ្ឌិត កែម ឡី អ្នកស្រាវជ្រាវការអភិវឌ្ឍសង្គម និងជាអ្នកវិភាគ នយោបាយ។

Source: http://www.rfa.org/khmer/news/social-economy/Khmer-american-oppinion-on-kemley-death-07132016052928.html

អឿត អាងជាជនសង្ស័យក្នុងការបាញ់សម្លាប់ លោកបណ្ឌិតកែម ឡីត្រូវបានក្រសួងបរិស្ថាន ខែត្រសៀមរាបប្រិត្តិកម្មយ៉ាងខ្លាំងៗថា…

ប្រធានមន្ទីរបរិស្ថានខេត្តសៀមរាប ប្រតិកម្មយ៉ាងខ្លាំងក្នុងរយៈពេល ២ថ្ងៃមកនេះ បន្ទាប់ពីអង្គភាពព័ត៌មានជាច្រើនបានចេញផ្សាយជាបន្តបន្ទាប់ថា ជនជាប់ចោទក្នុងការបាញ់សម្លាប់លោកបណ្ឌិត កែម ឡី គឺជាមន្ត្រីបរិស្ថានមក។

Source: http://www.rfa.org/khmer/news/social-economy/siemreap-environment-dep-denies-kemley-alleged-murderer-07132016075530.html

អនុការបរទេសអាមេរិកគឺលោកថមម៉ាលិណូស្គី ដែលទទួលបន្ទុកកិច្ចការសិទ្ធមនុស្ស និងលទ្ធិ ប្រជាធិបតេយ្យនឹងមកកម្ពុជាថ្ងៃ១៨-១៩កក្កដា…

ឧបការីរដ្ឋមន្ត្រីក្រសួងការបរទេសសហរដ្ឋអាមេរិក ទទួលបន្ទុកផ្នែកលទ្ធិប្រជាធិបតេយ្យ សិទ្ធិមនុស្ស និងការងារ លោក ថម ម៉ាលីណូស្គី (Tom Malinowski) នឹងមកបំពេញទស្សនកិច្ចនៅកម្ពុជា ពីថ្ងៃទី១៨ ដល់ថ្ងៃទី១៩ ខែកក្កដា។

Source: http://www.rfa.org/khmer/news/human-rights/US-Assistant-Secretary-of-State-for-Democracy-Human-Rights-and-Labor-visits-Cambodia-07132016091322.html

គណកម្មការច្បាប់អន្តរជាតិស្នើឱ្យរដ្ឋាភិបាលខ្មែរ រកចាប់ឃាតករពិតប្រាកដយកមកផ្តន្ទាទោស…

គណៈកម្មការអ្នកច្បាប់អន្តរជាតិ (International Commission of Jurists-ICJ) នៅថ្ងៃទី១៣ ខែកក្កដា អំពាវនាវរដ្ឋាភិបាលបើកការស៊ើបអង្កេតករណីឃាតកម្មបណ្ឌិត កែម ឡី ឲ្យឆាប់រហ័ស មិនលម្អៀង និងមានប្រសិទ្ធភាព ដើម្បីស្វែងរកអ្នកដែលពាក់ព័ន្ធយកមកផ្ដន្ទាទោស។

Source: http://www.rfa.org/khmer/news/law/The-International-Commission-of-Jurists-calls-for-credible-investigation-into-Kem-Ley-assassination-07132016085153.html

អង្គការសិទ្ធមនុស្សអន្តរជាតិសុំឱ្យរដ្ឋាភិបាល រកចាប់ឃាតករពិតមកកាត់ក្តីនិងផ្តន្ទាទោស…

ការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្ស ប្រចាំនៅទីក្រុងហ្សឺណែវ (Geneva) ប្រទេសស្វីស (Switzerland) ថ្កោលទោសចំពោះការសម្លាប់លោកបណ្ឌិត កែម ឡី ហើយស្នើឲ្យអាជ្ញាធរស៊ើបអង្កេតរកឃាតកពិតប្រាកដមកផ្ដន្ទាទោសតាមច្បាប់។

Source: http://www.rfa.org/khmer/news/human-rights/UN-human-rights-condemns-killing-of-Kemley-07132016011308.html

ការវិភាគនយោបាយតាមការយល់ឃើញចំពោះ ករណីឃាតកម្មទៅលើលោកបណ្ឌិតកែមឡី…

នេះជាសេចក្តីវិភាគរបស់យើង ចូរអានមើល និង សូមបញ្ចេញមតិយោបល់ផង ។ សូមអរគុណទុកជាមុន!

អរព្រះគុណដែលបានចែករំលែក គឺមានការសោកស្តាយណាស់ នូវអ្វីដែលលោកបណ្ឌិតកែម ឡីគាត់
កំពុងបានធ្វើ ទាំងការវិភាគការបញ្ចេញមតិយោបល់ និង ការផ្តល់យោបល់ ហើយជាពិសេស រឿងការ ស្រាវជ្រាវនូវឯកសារទាក់ទងរឿងព្រំដែននិងដីកោះនានា ។ គឺមិនបាននឹកស្មានដល់ថ្ងៃ កើតហេតុហ្នឹងទេ ពីព្រោះគាត់បានធ្វើជាសន្សឹមៗមិនជាជ្រុលពេកទេ ហើយក៏មិនសាហាវដែរ តែរឿងដែលសំខាន់ជាងគេ ដែលគួរឱ្យចាប់អារម្មណ៍ជាងគេ គឺទាក់ទងរឿងព្រំដែននិង ដីកោះនានាដែលបាន បាត់បង់និងកំពុងបាត់
បង់ គឺយុទ្ធនាការណ៍ ១០០ រាត្រីរបស់គាត់រសើបជាងគេ តែខ្មែរយើងមិនសូវចាប់អារម្មណ៍ទេ ។

គឺខ្លាំងជាងយករឿងឯកសាររបស់ខ្លូបលវិតណែស ដែលទាក់ទងរឿងក្រុមគ្រួសារ របស់សម្តេចនាយករដ្ឋ
មន្រ្តីមកនិយាយទៅទៀត។ ប៉ុន្តែគេមិនបានលើកយករឿងយុទ្ធនាការ ១០០ រាត្រីមកធ្វើជារឿងសំខាន់
ទេ គឺគេមិន ចង់ឱ្យគេដឹងគេភ្ញាក់ផ្អើលរឿងនោះទេ ពីព្រោះវាជារឿងរសើបខ្លាំងរវាងខ្មែរនិងយួន តែវាមិន មែនជារឿងខ្មែរនិងខ្មែរទេ ។ គឺគេចង់បានរឿងណា ដែលទាក់ទងនឹងរឿងជម្លោះ រវាងខ្មែរនិងខ្មែរទើបវា ចំណេញសម្រាប់គេ ។ គឺបាត់បង់ធនធានមនុស្សខ្មែរផង និង ធ្វើឱ្យខ្មែរបែកបាក់សាមគ្គីខ្មែរនិងខ្មែរផង ។ គឺនៅពេលដែលជម្លោះរវាង ខ្មែរនិងខ្មែរកាន់តែខ្លាំង គណបក្សប្រជាជន ឬ សម្តេចហ៊ុនសែន រិតតែ
គៀក ឬ អោបជើងយួនឱ្យជួយ ។

នៅពេលហ្នឹងយួនគេមានលទ្ធភាព បញ្ជូនទ័ព ឬ ភ្នាក់ងារសម្ងាត់ឱ្យ ចូលមកស្រុកខ្មែររិតតែច្រើន
ដើម្បីជួយគណបក្សប្រជាជន ក៏ដូចជាជួយសម្តេចហ៊ុនសែន ឱ្យមានអំណាចរិតតែខ្លាំង និងបាន
យូរអង្វែង។ បើខ្មែរមិនឆ្លាតទេ មិនឆាប់ផ្លាស់ប្តូរនូវយុទ្ធវិធី ឬ យុទ្ធសាស្រ្តនយោបាយទេ គឺខ្មែរអាច នឹងរលាយបាត់បង់នូវអំណាច គ្រប់គ្រងទៅលើប្រទេសជាតិ ក៏ដូចជាទៅលើប្រជាពលរដ្ឋរបស់ខ្លួននា ពេលដ៏ខ្លីខាងមុខនេះ តែអ្វីដែលគេធ្វើ គេមិនធ្វើជាគំហកឬខ្លាំងៗទេ តែគេធ្វើសន្សឹមៗ គេធ្វើមិនឱ្យ ខ្មែរដឹងនិងភ្ញាក់ផ្អើលខ្លាំងនោះទេ គឺគេធ្វើ “នយោបាយទឹករលកបោកច្រាំង” ។ ទឹករលកបោក
ច្រាំងម្ខាង វានាំដីល្បប់ទៅបំប៉នច្រាំងម្ខាងទៀត ឱ្យដុះបានយ៉ាងល្អប្រសើរ ៕៚…

បណ្ឌិតសុខទូចទាមទារឱ្យរដ្ឋាភិបាលបង្ហាញ ភស្តុតាងឱ្យបានច្បាស់លាស់អំពីឃាតកម្ម ទៅលើលោកបណ្ឌិតកែម ឡី…

អ្នកជំនាញខាងវិទ្យាសាស្ត្រនយោបាយ និងជាមន្ត្រីជាន់ខ្ពស់នៃរាជបណ្ឌិត្យសភាកម្ពុជា ទាមទារឲ្យរដ្ឋាភិបាលលាតត្រដាង និងបកស្រាយឲ្យបានច្បាស់លាស់អំពីឃាតកម្មលើ លោកបណ្ឌិតកែម ឡី អ្នកឃ្លាំមើលផ្នែកអភិវឌ្ឍន៍សង្គម។

Source: http://www.rfa.org/khmer/news/politics/interview-sok-touch-on-kem-ley-shot-dead-case-07122016055431.html

រូបភាពនិងសម្លេងវីឌីអូរបស់ឯកឧត្តមអ៊ុមសំអាន ដែលនិយាយពីពន្ធធានាគារចំពោះសុវត្ថិភាព….

លោក អ៊ុំ សំអានថាការស្លាប់របស់លោកបណ្ឌិត កែម ឡី ដោយសារការជំនួញត្រកូល «ហ៊ុន»

Source: http://www.rfa.org/khmer/video

គម្រប់ខួប១០ឆ្នាំនៃអំពើភារវកម្មនៅសហរដ្ឋអាមេរិក!

ប្រធានាធិបតី ជច-ប៊ុស បានទទួលដំណឹងថា យន្តហោះបានបុកអាគារភ្លោះ ពាណិជ្ជកម្មពិភពលោកហើយ ក្នុងខណៈដែលលោក ប្រធានាធិបតី កំពុងតែសួរសុខទុក្ខកូនសិស្ស នៅសាលាបឋមសិក្សា ក្នុងបន្ទប់ថ្នាក់ទី ៣ នៅរដ្ឋហ្វ្លរីដា Florida។ បន្ទាប់ពីបានទទួលដំណឹងហើយ ប្រធានាធិបតី បានលាកូនសិស្សចេញ យ៉ាងស្ងៀមស្ងាត់ រួចចាត់ការទប់ទល់នឹង អំពើភាវរកម្ម ដ៏សាហាវនេះ។ ចំណាត់ការដ៏ពិសេសមួយ ត្រូវបានបញ្ជារចេញពី ប្រធានាធិបតីប៊ុសគឺៈ បញ្ជារឱ្យបញ្ឈប់ការហោះហើរ របស់យន្តហោះទាំងអស់ លើកលែងតែយន្តប្រដេញ ពិសេស របស់កងទ័ពអាកាស។ បើមានយន្តហោះស៊ីវិលណាហោះឡើង បញ្ជារឱ្យបាញ់ទម្លាក់ភ្លាម។ នេះជាបទបញ្ជារមួយ ដ៏មានប្រសិទ្ធិភាពបំផុត បើមិនដូច្នោះទេ សហរដ្ឋ ទាំងមូលត្រូវរលាយ ឬយ៉ាងណាទេ នៅពេលនោះ។ ប្រហែលមិនមានតែយន្តហោះ ៤ នោះទេ តែត្រូវធ្វើការវាយប្រហារនោះ… សូមមើល វីឌីអូដូចខាងក្រោម៖៚…

មន្ទីរមជ្ឈឹមការពារប្រទេស សហរដ្ឋអាមេរិក ដែលហៅថា “មន្ទីរបញ្ចកោណ” ត្រូវបានវាយប្រហារមុនគេ ដោយយន្ត ហោះអ្នកដំណើរមួយ តែរងគ្រោះតិចតួច ដោយសារតែអាគារនេះ ធ្វើទាបផ្ទាល់នឹងដី ពួកភាវរករ មានការពិបាក នឹងបន្ទាបយន្តហោះ ដើម្បីបំបុកអាគារនោះ។ សូមមើលវីឌីអូខាងក្រោម តើយន្តហោះ បានហោះទាបប៉ុណ្ណា គឺទាបមែនទែន ដែលបានបុក បង្គោលភ្លើងអស់មួយចំនួន ទម្រាំនឹងទៅបុក អគារនោះ។

ខាងក្រោមនេះ ជារូបភាពអាតីតប្រធានាធិបតី ប៊ុសនិងមហេសី ប៊ិលឃ្លិនតុន និងអានុប្រធានាធិបតី ចូបៃដិន អញ្ជើញមកធ្វើពិធីរំលឹកខួបឆ្នាំទី ១០ នៃអំពើភារវកម្ម នៅកន្លែងយន្តហោះធ្លាក់ ក្បែរសេដ្ឋវិមាន វ៉ាសិងតោន។

ខាងក្រោមជារូបភាព អាតីតប្រធានាធិបតី ជច-ប៊ុស ឡើងថ្លែងសន្ទរកថា និងធ្វើគារវកិច្ច គោរពវិញ្ញាណក្ខ័ន្ធ ដល់ជនរងគ្រោះ ទាំងអស់ ដែលបានស្លាប់ដោយ អំពើភារវកម្មរបស់ភារវករ។

បន្ទាប់មកយន្តហោះអ្នកដំណើរទីពីរ ដែលត្រូវហោះទៅទីក្រុង សាន់ហ្វ្រាន់សិសកូ បានបង្វែរក្បាល តម្រង់ សំដៅទៅសេដ្ឋវិមាន ប្រធានាធិបតីអាមេរិកាំងវិញ ដែលធ្វើឱ្យអ្នកដំណើរទាំងឡាយ ក្នុងយន្តហោះមាន ការសង្ស័យ និងតក់ស្លុតឥតឧបមា ក៏បាននាំគ្នាតតាំងនឹងពួកភាវរករ ដែលនាំឱ្យយន្តហោះនេះធ្លាក់ឆេះខ្ទិច មុននឹងដល់គោលដៅ ។

សូមមើលវីឌីអូខាងក្រោម៖

តើពេលនោះ ខ្ញុំនៅទីណា និងកំពុងធ្វើអ្វី ? ខ្ញុំកំពុងតែកេងលក់ មិនបានដឹងដែរទេ (ដោយខ្ញុំធ្វើការ ១៨ ម៉ោងក្នុងមួយថ្ងៃ គឺធ្វើការរហូតដល់ម៉ោង ៥ ព្រឹកទើបចូលកេង) រហូតដល់មនុស្សជំនិត បានទូរស័ព្ទប្រាប់ខ្ញុំ នៅម៉ោងប្រហែល ៨ ព្រឹក ពីបន្ទាយទាហានមួយ ដែលមានចម្ងាយប្រហែលជា ១០០០ គ.ម. ឱ្យខ្ញុំបើក ទូរទស្សន៍មើល ខ្ញុំក៏បើកមើលភ្លាមដែរ គឺខ្ញុំមានការតក់ស្លុត ជាពន់ពេក មិននឹកស្មានថា មានហេតុការណ៍ ដូច្នេះសោះ ខ្ញុំក៏ឱ្យបម្បូន្មានទៅទាហាន ដែលជាមនុស្សជំនិតរបស់ខ្ញុំ ឱ្យមានការប្រុងប្រយ័ត្ន ឱ្យមែនទែន ហើយស្តាប់បទបញ្ជារ ពីមេបញ្ជាការ ជាដាច់ខាត ។ បន្ទាប់មកខ្ញុំបន្តរធ្វើការងារជាធម្មតា ធ្វើបណ្តើរសញ្ជឹង គិតបណ្តើរ ថាតើគិតជួយធ្វើយ៉ាងម៉េចចេះ ? បីថ្ងៃក្រោយមក ក៏ចាប់ផ្តើមសរសេរសំបុត្រ ទៅប្រធានាធិបតី ជច-ប៊ុស និង ព្រឹទ្ធសភាអាមេរិកាំង ដោយផ្តល់ជាយោបល់នូវទ្រឹស្តី ដែលខ្ញុំបានរកឃើញនេះ ទៅពួកគាត់ ឱ្យបង្កើត ប្រព័ន្ធការពារប្រទេស ជារបៀបថ្មី ហើយមិនយូរដែរទេ ប្រហែលជា ៣-៥ អាទិត្យ ក្រសួងការពារ ប្រទេសថ្មី ត្រូវបានបង្កើត ហើយមើលទៅដូចដែលខ្ញុំ ចង់បាន ៩០ ភាគរយ ខាងផ្នែកសន្តិសុខ ។ បើតាមការសួរ លោកគ្រូប្រវត្តិសាស្ត្រពិភពលោក ថារៀបចំរបៀបនេះ មិនដែលមានទេ ពីមុនមក ។ ខ្ញុំមានសេចក្តីរំភើបរីការាយ យ៉ាងខ្លាំង ដោយទ្រឹស្តីនេះ ត្រូវបានគេទទួលស្គាល់ ។

ហើយក៏មិនយូរដែរ ខ្ញុំត្រូវបានគេទាក់ទងនិងរាប់អាន តែខ្ញុំមិនសប្បាយចិត្ត ដោយសារតែរដ្ឋបាលខាងក្រោម ជាពិសេសក្នុងស្រុកខ្ញុំតែម្តង រាងរករឿងដុកដាន់ រំខានខ្ញុំមែនទែន ខ្ញុំឆ្ងល់ថាហេតុអ្វី? បានជាពួកគាត់ធ្វើ របៀបនេះមកលើខ្ញុំ? ខ្ញុំមិនមែនជាអ្នកប្រឆាំងគេទេ តែខ្ញុំជួយគេជួយអស់ពីចិត្ត ហើយខ្ញុំកើតឆ្ងល់ថា តើពួកគេ នោះជានរណា? គេមិនចង់ឱ្យអាមេរិកកាំង បានសុខបានរីកចម្រើនទេឬអ្វី? បន្ទាប់ពីបានសញ្ជឹង គិតមួយរយៈ ក៏សម្រេចចិត្តសម្រាកធ្វើការងារ ហើយប្រាប់គេ ៦ ខែមុនថាសម្រាកការងារនេះ។ គោលបំណងចង់ មកនៅ ស្រុកខ្មែរ បន្តរការសរសេរទ្រឹស្តីនេះទៀត ពីព្រោះតែចង់ឱ្យតម្លៃខ្មែរ…។

តែមកដល់ស្រុកខ្មែរ ក៏គេរំខានទៀត មិនឱ្យខ្ញុំសរសេរដោយស្រួលៗទេ ហើយក្នុងការនិយាយស្តីជាមួយគេ គេថាខុសគេ និយាយអួត ហើយគុម្ភឫស្សីមួយ ជាកន្លែងម្លប់សម្រាប់សរសេរ ទ្រឹស្តីនេះ ត្រូវបានគេលួចដុត ចោលទៅទៀត គេថាមានពស់នៅទីនោះ មិនឱ្យខ្ញុំសរសេរទេ! រួចបានប្តូរកន្លែងមកនៅ ក្រុងបាត់ដំបងម្តង សម្ងំសរសេរ តែដូចជាមិនសូវស្រួលដែរ ថ្ងៃមួយមានពួកអង្គរក្ស សម្តេចតេជោ ហ៊ុន-សែន មួយកងមកស៊ីចុក ក្បែរៗ ព្រោះកន្លែងហ្នឹងគេលក់បាយផង ហើយអ្នកលក់បាយប្រាប់ថា ផ្ទះខាងក្រោយនោះ ជាផ្ទះខ្សែរ រយៈជិតដិត ខាងសម្តេចតេជោផង ហើយតិចអ្នកនេះលបមើល អ្នកនោះលបមើល អ្នកលក់បបរជនជាតិ វៀតណាម តាមមក ដល់កន្លែងទៀត មើលទៅឱ្យមើលតាមចិត្ត មិនដែលចង់លាក់ពីណាទេ គឺខ្ញុំមិននិយាយ មើលងាយ មើលថោក នរណាទេ គឺនិយាយតែល្អៗជានិច្ច…៕