អំពីម្ចាស់ប្លក

កំណត់ហេតុរបស់ភិក្ខុស៊ូ កប

Please click the button below to listen to Kap’s history in Khmer during the Khmer Rouge Era (1972-79) or 7 years in the jungles of Cambodia.

បទសម្ភាសន៍ជាមួយ លោក ស៊ូ កប (ភាគ៧៥) (ដោយ ជីវិតា)

ស្វាគមន៍ប្រិយ៍មិត្ត ដែលបានចូលមកទស្សនា គេហបណ្តាញ របស់ខ្ញុំព្រះករុណាអាត្មាភាព ! ខ្ញុំព្រះករុណា អាត្មាភាពព្រះនាម ធម្មលិខិត្តោ (ទូច ច័ន្ទថន) ប្រសូតនៅថ្ងៃពេញបូណ៌មី ខែមិគ្គសិរ ពុទ្ធសករាជ២៥០៣ ត្រូវនឹងថ្ងៃច័ន្ទ ទី១៤ គ្រឹស្តសករាជ១៩៥៩ ប្រទេសកម្ពុជា។ នៅពាក់កណ្តាលសម័យ សង្គមរាស្ត្រនិយម នៅឃុំទូកមាស ស្រុកបន្ទាយមាស ខេត្តកំពត ភាគនិរតីប្រទេស ព្រះជន្មបាន ៧ ព្រះវស្សាបានឃ្លាតចេញពី ញោមទាំងពីរនិងបងប្អូន ទៅរស់នៅជាមួយជីដូន ឯភូមិភាគពាយព្យ រួចជីដូនបាននាំ ឱ្យទៅស្នាក់នៅវត្ត ដើម្បីសិក្សាអក្សរសាស្ត្រ ទំនៀមទំលាប់ និង ធម៌អាថ៌ ជាដើម ។ នៅពេលព្រះជន្មបាន ១៤ ព្រះវស្សា ក៏សម្រេចព្រះទ័យ បួសជាព្រះសង្ឃ ដើម្បីបន្តរការសិក្សា ខាងអក្សរសាស្រ្ត ទំនៀបទំលាប់ ក្រិត្យក្រម ធម្មវិន័យ និង បាលី ជាដើម ។ តែអកុសលប្រទេសខ្មែរយើង មានកើតសង្គ្រាមច្បាំងគ្នា ក៏ត្រូវបានគេជម្លៀស ឱ្យទៅគង់នៅក្នុងព្រៃ លើភ្នំ និង ក្នុងរូងភ្នំ ជាមួយនឹង លោកតាធុតុង្គ បន្ទាប់មកគេជ្រើសរើសឱ្យធ្វើជា គ្រូបង្រៀន ស្មៀន និង ជាអគ្គលេខាធិការ ផ្នែកលោកសង្ឃក្នុងតំបន់រំដោះ។

បីខែបន្ទាប់ពីខ្មែរក្រហមវាយឈ្នះរបបសាធារដ្ឋខ្មែរ ឬ បន្ទាប់ពីថ្ងៃ ១៧ មេសា ឆ្នាំ ១៩៧៥ គឺត្រូវនឹងថ្ងៃ ១៧ កក្កដា ១៩៧៥ ត្រូវបានលាចាកសិក្ខាបទ ជាមួយនឹងព្រះសង្ឃ ៦ អង្គទៀត។ ពីរខែក្រោយមក គេបានចាត់ឱ្យចូលបំរើកងទ័ព សារុបទៅនៅក្នុងព្រៃ ៧ ឆ្នាំ ក្នុងកំឡុង៧ឆ្នាំហ្នឹង មានប្រវត្តិដ៏ជូរចត់បំផុត ដែលត្រូវបានគេសម្ភាស ជាប្រវត្តិសាស្រ្ត ដាក់ក្នុងវិទ្យុ អាស៊ីសេរីផងដែរ ។ល។ ដោយសារតែ មានសង្គ្រាមកាប់ សម្លាប់គ្នាដ៏សាហាវ ឃោរឃៅហ្នឹងហើយ ទើបធ្វើឱ្យខ្ញុំព្រះករុណាអាត្មាភាពមានព្រះទ័យ និងសម្រេចព្រហទ័យ ចំណាយពេលវេលា ដ៏មានតម្លៃរបស់ខ្ញុំព្រះករុណាអាត្មាភាព ខំរៀនសូត្រ ស្រាវជ្រាវរាវរកគន្លិះ សំរាប់បញ្ចប់ សង្គ្រាមរបៀបហ្នឹង កុំឱ្យមានទៀត ហើយនិងជួយ ដោះស្រាយនូវបញ្ហាទួទៅ ពីអតីត បច្ចុប្បន្ន និងអនាគត ផងដែរ។ ហើយគន្លិះដែលខ្ញុំព្រះករុណាអាត្មាភាជឿថា “អាចជួយ ដោះស្រាយបញ្ហា បានល្អជាងគេ” គឺមានតែបង្កើតជា “ប្រព័ន្ធនយោបាយ ” ដែលមានរចនាសម្ព័ន្ធដ៏ល្អត្រឹមត្រូវមួយ សំរាប់ដឹកនាំនេះទេ ដែលអាចជួយដោះស្រាយ បញ្ហាប្រទេសជាតិ និង ប្រជាពលរដ្ឋខ្មែរបាន ។ អាស្រ័យហេតុនេះ សូមញាតិញោម បងប្អូន ជាព្រះសង្ឃ ជាបញ្ញាវ័ន្ត ជាសាស្ត្រាចារ្យ ជាសិស្សានុសិស្ស ជានិស្សិត ជាអ្នករាជការ នាម៉ឺន និង រដ្ឋមន្រ្តីគ្រប់ជានថ្នាក់ មេត្តាជួយ ពិចារណា និង រិះរកមធ្យោបាយ ផងមើល ថាតើមានអ្វីទៀត ដែលសំខាន់ អាចជួយដោះ ស្រាយបញ្ហាប្រទេសជាតិខ្មែរយើងបាន សូមអរព្រះគុណនិងអរគុណទុកជាមុន !!៚…