សួស្តីឆ្នាំថ្មី! & HAPPY NEW YEAR!

ស្វាគមន៍ឆ្នាំថ្មី! ឆ្នាំខាល ទោស័ក ពុទ្ធសករាជ ២៥៥៤ ត្រូវនឹងគ្រឹស្តសករាជ ២០១០ ដែលត្រូវចំសត្វខ្លាជាដំណាង ហើយទេវតាឆ្នាំថ្មីនេះ ត្រូវចំព្រះនាងទេពធីតា មណ្ឌាទេវី ទ្រង់អម្ពរពណ៌អន លម្អរនៅ ព្រះការណ៌ ដោយសៀតផ្កាចំប៉ា អភរណទ្រង់ពាក់កែវ ពិទូរ្យ ភក្សាហារ ទ្រង់សោយទឹកដោះស្រស់ ព្រះហស្ថស្តាំទ្រង់ម្ជុល ឯព្រះហស្ថឆ្វេងទ្រង់ឈើច្រត់ ទ្រង់គង់លើខ្នងគទ្រភៈ(សត្វលា) ចូលឆ្នាំនៅ វេលាម៉ោង ៧និង៣៦ព្រឹក ថ្ងៃ១កើតខែវិសាខព.ស.២៥៥៤ ត្រូវនឹងថ្ងៃពុធទី១៤ខែមេសា គ.ស. ២០១០។

សូមទេវតាឆ្នាំថ្មី ចុះមកតាមជួយបីបាច់ថែរក្សា កូនចៅកម្ពុជាគ្រប់រូប នៅក្នុងនិងក្រៅប្រទេស សូមឱ្យមានសុភមង្គលល្អ និងបានជួបប្រទះតែ សេចក្តីសុខសប្បាយគ្រប់ពេលវេលា និងសូមឱ្យរៀន សូត្រឆាប់ចេះ ឆាប់ដឹង ឆាប់យល់នូវគ្រប់មុខវិជ្ជាទាំងអស់ ហើយនិងសូមឱ្យរកស៊ីឆាប់មាន ឆាប់បានគ្រប់ៗគ្នា បើបានប្រពន្ធសូមឱ្យសុទ្ធតែស្រី បើបានប្តីសូមឱ្យសុទ្ធតែប្រុសៗ កុំបីឃ្លៀងឃ្លាតឡើយ! ដើម្បីអបអរឆ្នាំថ្មីនេះ ខ្ញុំសូមនាំមកនូវរូបភាព ពីរឿងរាមកេរ្តិ៍ មួយចំនួនគ្រាន់ទស្សនាកំសាន្តភ្នែក រឿងរាមកេរ្តិ៍ជារឿងមួយ ដែលខ្ញុំពេញចិត្តជាងគេ ហើយខ្ញុំធ្លាប់បានមើលបានអាន សៀវភៅរឿងរាម កេរ្តិ៍នេះចប់ ដែលមានកម្រាស៨០០ទំព័រ គឺមើលហើយមើលទៀត ហើយព្រមទាំងបានអាត់ដាក់ ជាកាសែតសំរាប់ស្តាប់ផង កំសត់ជាងគេត្រង់ ព្រះរាមបំបរបង់ឬ ឱ្យគេយកនាងសេដា ទៅសម្លាប់ ចោលក្នុងព្រៃ ដោយមានកូនក្នុងផ្ទៃផង តែនាងមិនស្លាប់ បែរជាបានលោកតា មុនីឥស្សី យកនាងទៅចិញ្ចឹមបីបាច់ថែរក្សាទៅវិញ ហើយប្រសូត្របានបុត្រដ៏ឆ្នើមមួយផង។ល។