ស្នាព្រះហស្ថដ៏ឆ្នើមបីរបស់សម្តេចឪ សម្តេចតា សម្តេចតាទួត នរោត្តម-សីហនុ!

មុននឹងលើកយកស្នាព្រះហស្ថទាំងបី មកបរិយាយ យើងខ្ញុំសូមរីករាយថ្ងៃកំណើតសម្តេចឪ! សម្តេចតា! សម្តេចតាទួត! គម្រប់ព្រះជន្មាយុ ៨៩ ឈានចូល ៩០ ព្រះវស្សា នៅថ្ងៃទី ៣១ ខែតុលានេះ សូមអោយ សម្តេចឪ សម្តេចតា សម្តេចតាទួត មានព្រះជន្មាយុយឺនយូរ ជាងរយព្រះវស្សា និងមានព្រះសុខភាពល្អ បរិបូណ៌ជានិច្ច កុំបីឃ្លៀងឃ្លាតឡើយ !

ដើម្បីអបអរសាទរថ្ងៃកំណើត សម្តេចឪ សម្តេចតា សម្តេចតាទួត យើងខ្ញុំសូមរំឮកនូវស្នាព្រះហស្ថដ៏ឆ្នើម របស់ព្រះអង្គ ចំនួន បី មកបរិយាយដូចតទៅ៖

ទី១. គឺស្នាព្រះស្ថ ដណ្តើមឯករាជ្យបានពី អាណានិគមបារាំង ទី២. គឺស្នាព្រះហស្ថ បង្កើតរបបសង្គមរាស្រ្ត និយម និងទី៣. គឺស្នាព្រះហស្ថ ដែលបាននាំមកនៅ កិច្ចព្រមព្រៀងទីក្រុងប៉ារិស ថ្ងៃ២៣ តុលា១៩៩១ ដើម្បីបញ្ចប់នូវសង្គ្រាមបង្ហូរឈាម រវាងខ្មែរនិងខ្មែរ ។

ប៉ុន្តែស្នាព្រះហស្ថចុងក្រោយទីបីនេះ មិនត្រូវបានទទួលស្គាល់ពី រដ្ឋាភិបាលខ្មែរសព្វថ្ងៃនេះឡើយ តើមកពី មូលហេតុអ្វីដែរ ? ឥឡូវនេះ យើងឃើញមានវត្តមាន សម្តេចឪ សម្តេចតា សម្តេចតាទួត យាងមកគង់ ប្រថាប់នៅកម្ពុជាជារៀងរហូត តើមកពីមូលហេតុអ្វីដែរ ?