ដំណើរថ្ងៃអង្គារគ្រោះថ្នាក់មែន !

តើអ្នកចងចាំទេ ? ពត៌មានបានផ្សាយថា ប៉ូលិសបានបាញ់គ្នា ជាមួយចោរៗ បានស្លាប់ម្នាក់ របួស និងចាប់ បាន ២-៣ នាក់ និងធ្វើឱ្យប្រជាជនស្លាប់ ២ នាក់ និងរបួស ២ នាក់ នៅខែត្រកំពត ។ ហើយថ្ងៃនិងពេលជា មួយគ្នានោះដែរ ប៉ូលិសសេដ្ឋកិច្ច បានដេញចាប់ចោរលួច ដឹកឈើខុសច្បាប់ មានប៉ូលិសស្លាប់ និងចោរ លួចដឹកឈើ គ្រោះថ្នាក់ផងដែរ នេះដោយសារ ធ្វើដំណើរខុសពេលវេលា ខុសក្បួនតំរា គឺពេលល្ងាច ៣ កើត ត្រូវថ្ងៃអង្គារ កាលពីថ្ងៃទី ២ ខែសីហា ត្រូវចំលើ យាមព្រហ្មា បើយាត្រាប្រាថ្នាការអ្វីៗ មិនបានឡើយ ។ បើចេញទៅធ្វើសិក នឹងសត្រូវលំបាកណាស់ បើមិនដូច្នោះទេ អ្នកទៅជាមួយ គ្នាកើតវិវាតឈ្លោះគ្នាឯង ។ បើប្រទះនឹងសត្រូវ, សត្រូវនោះសម្បុរដំដែង ។ នេះបើមើលតាមក្បួនតំរា សម្រាប់ធ្វើដំណើរនេះ ។ យើងគួរ ជឿដែរ ក្បួនថាចំពេលវេលាហ្នឹងមិនល្អទេ គឺអញ្ចឹងមែន !

នេះជាក្បួនទំនាយបុរាណខ្មែរ ដែលខ្ញុំបានចម្លងចេញពី ក្បួនលោកតាអាចារ្យ សាញ់ ដែលខ្ញុំបាននិយាយ ពីលើកមុន សូមអញ្ជើញចុចមើល ដូចខាងក្រោម ។ សូមជួយត្រួតពិនិត្យ ប្រយោគឬឃ្លា និងពាក្យផងខ្លាច ក្រែងមានខុសឆ្គង ត្រង់កន្លែងណា សូមជួយកែតម្រូវផង ខ្ញុំមិនបានត្រួតពិនិត្យកែតម្រូវទេរវល់ពេក ។ ហើយខ្ញុំក៏មិទទួលខុសត្រូវ រឿងយកទៅប្រើប្រាសដែរ មិនដឹងថាត្រឹមត្រូវឬអត់ទេ ធ្លាប់សាកមើលដែរ ដូចគួរសមដែរ តែមិនបានប្រើយូរណាស់ហើយ ដល់រវល់ពេកទៅ មិនបានយកក្បួនហ្នឹងប្រើទេ ប៉ុន្តែល្អ ម្យ៉ាងដែរ ខ្មែរយើងចូលចិត្ត អោយជួយផ្តល់ជាគំនិត និងយោបល់ក្នុងការ ធ្វើការងារនិងរកស៊ី ប្រហែល ក្លាយជា ទំនៀមទំលាប់ទៅហើយសព្វថ្ងៃនេះ ។ សូមឱ្យបានសេចក្តីសុខសប្បាយ និងមានជ័យជំនះគ្រប់ៗ គ្នាកុំបីឃ្លៀងឃ្លាតឡើយ ។៚

ក្បួនទំនាយបុរាណ ក្បួន-៥pdf

នេះជាយាមសំរាប់មើល ពេលវេលា ចេញដំណើរ គ្រប់បែបយ៉ាង ។ ដំណើរល្អឬអាក្រក់ ដែលនឹងកើតមាន ដល់ខ្លួន, ញាតិមិត្តដែលស្ថិតនៅទីជិតឆ្ងាយ ឬរបស់របរដែលបាត់ ដោយចោរលួច ចោរប្លន់ ឬបាវព្រាវ មនុស្សរត់ចេញពីផ្ទះ គេចទៅទិសដទៃៗ ដែលយាត្រាចេញទៅ ឬថាបណ្តាលឱ្យកើតហេតុអាក្រក់ល្អនោះ។ គឺឱ្យយកមកផ្គូរធៀបមើល តាមក្បួនតម្រានេះ ទោះបីខ្នើត រនោចត្រូវគ្នាយាមណា លោកឱ្យមើលតាម ខ្ទង់លេខ ទំនាយដូចតខាងលើនេះ ។៚