ការបះបោរនិងការចាប់មេៗបញ្ជាការកងទ័ព នៅភូមិភាគពាយ័ព្យកាលចុងឆ្នាំ១៩៧៧…

មានការចាប់ខ្លួនមេៗបញ្ជាការកងទ័ព យ៉ាងតិចក៏ ៩០ ភាគរយដែរ មួយចំនួនធំឱ្យទៅធ្វើកងចល័ត គឺធ្វើស្រែចំការនិង ដាក់គុកឥតជញ្ជាំង ប្រហែលជាពួកគាត់នោះហើយ ដែលធ្វើការមានគេយាម។ ចំណែកកងទ័ពនៅតាមព្រំដែនខ្មែរ-ថៃ គេដកតែមេៗ មេក្រុម មេកងតូច-ធំ និង មេកងវរៈសេនាតូច-ធំ នៅសល់តែ២-៣នាក់។ កំណត់ចំណាំៈ មុននឹងដកបន្តិច មានមេស្នងការ និង អនុបញ្ជាការកងវរៈសេនាតូច និង ស្នងការកងអនុសេនាធំ នាំគ្នាមកកន្លែងយើង។ មេស្នងការកងវរៈ គាត់បានឱ្យយើងជូនពួកគាត់ ទៅមើលជួរខ្សែរត្រៀម ខាងមុខជាប់អូរព្រំដែន តែមិនដើរតាមផ្លូវ ធ្លាប់ដើរទេ តែឱ្យដើរផ្លូវកាត់…។

ត្រង់ចំណុចនេះ បាននិយាយដាក់វីឌីអូនិងសរសេរដាក់ក្នុងហ្វេសបុក ផងដែរ ដោយសារពួកគាត់ភ័យ ខ្លាចក្នុងការចាប់ខ្លួននាពេលនោះ ហើយក្នុងអង្គភាពផ្សេងៗក៏ ភ័យខ្លួនបានរត់ភៀសខ្លួនចូលដីថៃ។ តែទំនងជាមិនដឹងទៅនៅដីថៃម្តេចកើត ក៏ត្រឡប់ចូលដីខ្មែរវិញ ហើយចូលមកខាងក្នុងវិញ ក៏មានការ គេព័ទ្ធស្ទាក់ចាប់ ក៏កើតមានការប្រយុទ្ធគ្នាយ៉ាងស្វិតស្វាញ ដោយ មេនោះគាត់ជាស្នងការឬបញ្ជាការ កងវរៈសេនាធំកងយោធពលភូមិភាគពាយ័ព្យផង គឺគាត់មានជំនាញ ខាងការប្រយុទ្ធគឺខ្លួនគាត់មួយ ទល់នឹងទាហានរាប់សិបឬរយនាក់ គឺបាញ់មិនឈ្នះគាត់ទេ បានត្រឹម របួសភ្លៅ ហើយទាហានមាន របួសនិងស្លាប់ជាច្រើន មិនអាចចាប់គាត់បានឡើយ…។

តែទីបំផុតគាត់ បានចូលទៅចាប់នារីពេទ្យជាចំណាប់ខ្មាំង ដោយអោយពេទ្យមើលរបួសអោយផង និង បានបាយហូបផង ហើយក្រោយមកក៏សម្រេចចិត្តប្រគល់ខ្លួនចុះចាញ់អោយគេចាប់ ហើយបន្ទាប់មក ក៏ត្រូវបានបញ្ជូនទៅអង្គារលើបាត់ទៅ…។ បើតាមដឹងមេបញ្ជាការនេោះ គឺពូកែណាស់កាលសម័យសង្រ្គាម គឺមានព្រះសង្ឃជាលោកគ្រូគាត់ គឺលោកតាវត្តតាគត់-តាគ្រៃ លោកតាពរះនាម តាមឹក តែបានហៅ លោកថា លោកធម្មឹក គឺព្រះអង្គល្បីពូកែណាស់ គឺអាចប្រើមន្តអាគមអូសដើមគគីរបាន ហើយកាលពីឆ្នាំ ១៩៧១-៧២ បានទៅវត្តនោះជាមួយលោកតាសហការីអនុគណ គឺឃើញមានទាហានពីរនាក់ នាំគ្នាទៅសុំ ទឹកមាត់លោកផឹក ។ គឺបន្តាប់ពីលោកធ្វើយ័ន្តកាថាអោយហើយ គឺលោកស្តោះទឹកមាត់ដែលឆាន់ម្លូឱ្យ ទាហានទាំងពីរនាក់នោះ ។ ស្មារទោសចោះ ដូចជាឆ្អើមណាស់ ពីព្រោះលោកក្អកខេះៗផងនៅពេលឱ្យទឹក មាត់នោះ តែនេះមកពីអំណាចចង់បានរបស់ការពារខ្លួន ដោយសារតែទាហាននៅជនបទ គឺបន្តាយ ឃ្លាំង មានពួកខ្មែរក្រហមមកវាយឆ្មក់ជាញឹកញាប់ផង ។

និយាយបែរទៅក្រោយវិញ គឺមេបញ្ជាការខ្មែរក្រហមដែលពូកែ ហើយចាកូនសិស្សរបស់ព្រះអង្គនោះផង គឺនៅឆ្នាំ ១៩៧៥ បន្ទាប់ពីរំដោះហើយ កូនសិស្សដែលជាមេបញ្ជាការនោះ បាននិមន្តព្រះអង្គឱ្យសិក ឬ លាចាកសិក្ខាបទ ហើយស្នើរឱ្យលោកតារៀបការទៀតផង ។ បើតាមស្តាប់មើលទៅ ដូចជាមើលងាយ ឬធ្វើបាបលោកតាទេ… ។ ចំណុុចនេះ មានគេទិទៀនគាត់នៅថា មិនសមនិមន្តលោកឱ្យសិកអញ្ចឹងទេ ។ ហើយគាត់មានឈ្មោះថា ណំ ឬ សមមិត្រណំ ហើយគេស្គាល់គាត់ច្រើននៅខាងភូមិភាគពាយព្យ ។ ហើយ នៅអាមេរិកមានពូម្នាក់ស្កាល់គាត់នេះច្បាស់ណាស់ ហើយបាននាំពួកទាហានគាត់ ព័ទ្ធចាប់និងសម្លាប់ គាត់នោះផង តែមិនបានសម្រេចទេ ដោយភូមិសាស្រ្តក្នុងវាលស្រែដែលមានស្រូវសន្ទូងខៀវខ្ចី និងទឹក ផងពិបាកមើលគ្នាណាស់ អញ្ចឹងហើយបានចូលជិតមិនបាន គឺចូលត្រូវៗ ពីព្រោះគាត់នោះពូកែបាញ់ស៊ីប ណាស់ ហើយកាំភ្លើងដែលមាននោះ គឺកាំភ្លើងអឹមសី គឺកាំភ្លើងអាមេរិកាំង ហើយឮថាគាត់វាយបានពី ទាហានថៃផង…។ តែយ៉ាងណាក៏ដោយ មេៗទាហានឬយោធាខាងពាយព្យ ត្រូវបានចាប់ខ្លួនទាំងអស់ អ្នកទោសជាមេធំៗបានបញ្ជូនមកគុកទួលស្លែងភ្នំពេញ មួយចំនួនអោយចូលធ្វើកងចល័តគឺធ្វើស្រែ ជាធម្មតា តែមេៗមួយចំនួនធំ យកទៅដាក់គុគឥតជញ្ជាំង នៅស្រុកមោងឫស្សី ឬកកោះ បាត់ដំបង។

ហើយមេមួយចំនួន ពេលយួនចូលដល់បានរួចខ្លួនទាំងអស់ តែពួកគាត់មិនបានចូលយួនទេ តែពួក គាត់បានទៅនៅជំរុំតស៊ូប្រឆាំងយួនឈ្លានពានទៅវិញ ហើយពួកគាត់ដូចជាមិនឮស្អប់ពួកខ្មែរក្រហម ឬពួកនីរតីឬពួកតាម៉ុកដែលដកនិងធ្វើបាបពួកគាត់នោះទេ ។ គឺពួកកាត់បាននាំគ្នាដើរធ្វើចលនា ចាបណ្តាញដើរអូសទ័ព គឺទ័ពខ្មែរក្រហមក៏អូស ទ័ពហេង សំរិនក៏អូស ។ តែក្រោយមក មេពីរនាក់ត្រូវ បានកងទ័ពខ្មែរក្រហមនៅជំរុំចំការគរ ក្បែរជំរុំថ្មីព្រំដែនខ្មែរ-ថៃ ល្បួងហៅទៅជុបលៀង ហើយយកពួក គាត់ទៅសម្លាប់ចោល (ម្នាក់) តែម្នាក់មានគេលួចបាញ់សម្លាប់គាត់ចោល ហើយមេម្នាក់ទៀតជាប់គុក យួននៅស្វាយស៊ីសាផុន ទំនងជានៅជាប់គុករហូតដល់ពួក អង្គការសហប្រជាជាតិចូលមករៀបចំស្រុក ខ្មែរទើបគេដោះលែងគាត់ ហើយកាលពីជាង ១០ ឆ្នាំមុនបានជួបគាត់ ហើយបានថតជាមួយកាត់ តែសព្វថ្ងៃនេះ មិនដឹងជាយ៉ាងណាទេ តែមើលទៅសុខភាពគាត់នៅរឹងមាំទេ ហើយក៏មិនចាស់ណាស់ ណាដែរ ទំនងជាទើបតែហុកជាង ឬ យ៉ាងច្រើនដំណាលឬស្របាលលោកហ៊ុន សែនដែរទេ…៕

អង្គជំនុំជម្រះសាលាដំបូងនៃសាលាក្ដីខ្មែរក្រហម បន្តធ្វើសវនាការស្ដាប់សាក្សី សែម ហឿន ហៅ សែម គីម ពេញមួយថ្ងៃនៅថ្ងៃទី២២ មិថុនា។ សាក្សីរូបនេះ ត្រូវបានគេបញ្ជូនទៅលត់ដំនៅការដ្ឋាន ធ្វើវាលយន្តហោះខេត្ត កំពង់ឆ្នាំង ដោយសារតែជាប់ពាក់ព័ន្ធផែនការក្បត់នឹងអង្គការរបបកម្ពុជា ប្រជាធិបតេយ្យ។

Source: http://www.rfa.org/khmer/news/krt/ECCC-continues-hearing-over-KampongChhnang-Air-field-work-site-after-Coup-plot-aborted-06222015114123.html

តុលាការ​កំពូល​សម្រេច​ផ្ដន្ទាទោស នួន ជា និង ខៀវ សំផន ដាក់​ពន្ធនាគារ​មួយ​ជីវិត…!?

តុលាការអន្តរជាតិចំរុះខ្មែរ ឬ តុលាការកំពូលខ្មែរក្រហម បានសម្រេចកាត់ក្តីដាក់ទោស មេខ្មែរក្រហមនួន ជា និង ខៀវ សំផនឱ្យជាប់គុកមួយជីវិត។ រឿងការកាត់ក្តីដាក់ទោសនេះ មិនមានរឿងអ្វីត្រូវភ្ញាក់ផ្អើលទេ រឿងដែល ត្រូវភ្ញាក់ផ្អើលនោះគឺ មិនបានហៅអ្នកជាប់ពាក់ព័ន្ធទាំងអស់ ក្នុងរឿងខ្មែរក្រហម មកជំនុំជំរះនៅសាលាក្តីនេះ ហើយរឿងការសម្លាប់រង្កៀល មានបីដំណាក់កាល គឺសង្រ្គាមសម័យឆ្នាំ ១៩៧០-៧៥ តើគេបានសម្លាប់ខ្មែរ ប៉ុន្មាននាក់? ហើយការសម្លាប់នៅសម័យ ប៉ុល ពតកាន់អំណាច នៅឆ្នាំ១៩៧៥-៧៩ មានមនុស្សស្លាប់ប៉ុន្មាន នាក់? ហើយចុងក្រោយ នៅសម័យសង្រ្គាមឆ្នាំ១៩៧៩-៨៩ មានមនុស្សខ្មែរប៉ុន្មាននាក់ ត្រូវបានគេសម្លាប់? ជាលទ្ធផលមនុស្ស ឬ ឆ្អឹងមនុស្សដែល បានស្លាប់ទាំងអស់នោះ ត្រូវបានគេ ប្រមូលយកមកគរទុកជាពំនូក ហើយសន្មត់ថាជាខ្មោច ដែលបានសម្លាប់ដោយ របបខ្មែរក្រហមប៉ុល ពតទាំងអស់។

ជាពិសេសជាងនេះទៅទៀតគឺ ប្រទេសដែលពាក់ព័ន្ធរឿងសង្រ្គាម នៅកម្ពុជាទាំងអស់ មានយួន ចិន អាមេរិកាំង បារាំង សូវៀត ជាអ្នកបានបង្ករ សង្រ្គាមកាប់សម្លាប់រង្កៀលនេះ ខ្មែរក្រហមមិនបានផ្តើមគំនិត រឿងសង្រ្គាម នេះទេ ខ្មែរក្រហម មិនចេះធ្វើគ្រឿងអាវុធ ទាំងអស់នោះទេ ត្រង់ចំនុចទាំងអស់នេះហើយ ដែលថាមិនយុត្តិធម៌ ឬ មិនត្រឹមត្រូវ គឺមានក្តីលំអៀង…!?

តុលាការកំពូលនៃសាលាក្ដីខ្មែរក្រហម ចេញសាលដីកាសម្រេចដាក់គុកទណ្ឌិត នួន ជា និង ខៀវ សំផន អស់មួយជីវិត នៅថ្ងៃទី២៣ វិច្ឆិកា។ សាលដីកានេះ គឺជាការប្រកាសលទ្ធផលលើបណ្ដឹងសាទុក្ខរបស់ជនជាប់ចោទជាអតីតមេដឹកនាំជាន់ខ្ពស់ខ្មែរក្រហមទាំងពីរ ក្នុងសំណុំរឿង០០២ វគ្គទី១។

Source: http://www.rfa.org/khmer/news/krt/supreme-verdict-on-2-khmer-rough-leaders-11222016230427.html

សាលាក្តីខ្មែរក្រហមនឹងបន្តរសវនាការលើអង្គ ហេតុបោសសំអាតផ្ទៃក្នុងនៃកុម្មុយនិស្តកម្ពុជា

រឿងការបោសសំអាតខ្មាំងនេះ មានតាំងពីសម័យតស៊ូម្លេះ តាមគោលការណ៍ នយោបាយរបស់គេ ដែលគេបានអបរំ កម្មាភិបាលនិងមនុស្សទួទៅ នៅក្នុងភូមិឃុំ ឬ សហករណ៍ ហើយប្រជាជន តែង និយាយរឿងនេះ ទៅវិញទៅមកតៗគ្នា គឺគេថា រែងយកអង្ករដើម…។ នេះបើតាមធ្លាប់រស់នៅជាមួយ របបនោះតាំងពីនៅក្មេង គឺពេលដែលនៅជាលោកនេន ឬជាលោកសង្ឃនៅក្នុងព្រៃ គឺជាគោល នយោបាយមុនដំបូងបំផុត ដែលគេបានអបរំប្រជាជន ឱ្យប្រព្រឹត្តអំពើល្អតាមអង្គការបក្សកម្មុយនិស្តកម្ពុជា គឺឱ្យមានការស្មោះត្រង់ចំពោះអង្គការ ហើយក៏ជាពេលដែលគេអបរំឱ្យហៅគ្នាជាមិត្តៗ ហើយមានអ្នកខ្លះ គេថា ហៅម៉ែឪក៏ជាមិត្តៗផងដែរ គឺកាលណោះនៅដើមឆ្នាំ ១៩៧៣ ក្នុងខែមេសា។ នៅពេលនោះហើយ ដែលគេរៀបចំបង្កើតជា សហករណ៍តាមភូមិនិមួយៗ នៅក្នុងព្រៃ។ ចំណែក លោកសង្ឃវិញ គេមិនបានឱ្យ នៅក្នុងសហករណ៍ជាមួយអ្នកស្រុកទេ គេបានអនុញ្ញាតឱ្យធ្វើ វត្តនៅ ដោយឡែកពីភូមិឬសហករណ៍ ហើយព្រះសង្ឃនៅមានសិទ្ធិគោរពសាសនាជាធម្មតា ពេលព្រឹកព្រះ សង្ឃអាចនិមន្តតបិណ្ឌបាតតាម ភូមិឬសហករណ៍ជាធម្មតា ហើយអ្នកស្រុកអាចធ្វើបុណ្យទានបានតាមទំនៀមទំលាប់ជាធម្មតា…(៧ ឆ្នាំនៅក្នុងព្រៃ ១៩៧២-៧៩) ៕

អង្គជំនុំជម្រះសាលាដំបូងនៃសាលាក្ដីខ្មែរក្រហម នឹងបន្តសវនាការរបស់ខ្លួនឡើងវិញនៅព្រឹកថ្ងៃ អង្គារ ទី២៦ ខែកក្កដា បន្ទាប់ពីបានឈប់សម្រាករយៈពេល ៣សប្ដាហ៍។ សវនាការបន្តនេះ សាលា ដំបូងនឹងចាប់ផ្ដើមដោយអង្គហេតុបោសសម្អាតខ្មាំងផ្ទៃក្នុងរបស់បក្សកុម្មុយនិស្តកម្ពុជា នៅក្នុងរបប កម្ពុជាប្រជាធិបតេយ្យ។

Source: http://www.rfa.org/khmer/news/krt/ECCC-Trial-Chamber-To-Commence-Its-Hearing-On-CPK-Internal-Purge-In-Case-002-02-07252016100641.html

ព្រឹត្តិការណ៍ថ្ងៃ៥-៦កក្កដា១៩៩៧ អ្វីៗបានកើត ឡើងដោយព្រាងទុក តែមិនមែនចៃដន្យឡើយ…!

មុនដំបូងក្បាលខៀវ សំផនត្រូវបែក បន្ទាប់មកភាគីកម្ពុជា ប្រជាធិបតេយ្យ ឬ ខ្មែរក្រហមត្រូវបាន ដកខ្លួន និង បន្ទាប់មកបានដាក់ឱ្យនៅក្រៅច្បាប់ ហើយកងកម្លាំងខ្មែរក្រហមត្រូវបានបំបែក និង អូសទាញ។  ក្នុងខណៈដែលគណបក្សលោកតា សឺន សានត្រូវបានបំបែកជាចំរៀក ហើយកង កម្លាំងរបស់លោកតាសឺន សានបានរលាយបាត់ស្រមោល។ កងកម្លាំងរបស់បក្សប្រជាជនមាន ចំនួនប្រមាណជា មួយសែនពីរម៉ឺន (១២០.០០០) នាក់ ហើយភាគីហ្វុនសិនប៉ិចឬរាជានិយមមាន ប្រហែលជាជាងពីរម៉ឺន (២០.០០០) នាក់។ តើនរណាចង់ផ្តួលអ្នកណា, ព្រះអង្គម្ចាស់រណឫទ្ធិឬ?

ព្រឹត្តិការណ៍កាលពីថ្ងៃទី៥-៦ ខែកក្កដា ឆ្នាំ១៩៩៧ បានទាញឲ្យអ្នកអ្នកនយោបាយបកស្រាយ ផ្ទុយគ្នា។ អង្គការមិនមែនរដ្ឋាភិបាល និងគណបក្សប្រឆាំង សុទ្ធតែយល់ឃើញថា វាជាព្រឹត្តិការណ៍ ដណ្ដើមអំណាចគ្នារវាងបក្សនយោបាយធំៗពីរកាលណោះ គឺគណបក្សរាជានិយមហ៊្វុនស៊ិនប៉ិច និងគណបក្សប្រជាជនកម្ពុជា។

Source: http://www.rfa.org/khmer/news/politics/Victims-of-5-6-July-coup-still-call-for-justice-07052016091601.html

ការផ្តល់សក្ខីកម្មរបស់អតីតប្រធានមន្ទីរសន្តិសុខ ស-២១ឬគុកទួលស្លែងឈ្មោះកាំងហ្កេចអ៊ាវ “ឌុច”

នេះជារូបភាពឆ្អឹង ឆ្អឹងលលាដ៏ក្បាលនិងរណ្តៅ ដែលគេវាយ សម្លាប់ជនរង្រ្គោះដាក់ នៅក្បែរ       គុកទួលស្លែង (បឹងជើងឯក?) សម័យកម្ពុជាប្រជាធិបតេយ្យ ឬ សម័យខ្មែរក្រហម ប៉ុល ពត។ ប៉ុន្តែគេបានសរសេរបញ្ជាក់ថា ឆ្អឹងខ្មោច ១២៩ នាក់ត្រូវបានទាហានយួន យកខ្មោចដែលគេបាន សម្លាប់ពេលក្រោយ យកមកដាក់ជាមួយ ហើយប្រាប់គេថា ជាខ្មោចដែលពួកប៉ុលពតសម្លាប់។ រូបភាពនេះជារូបភាព គេថតនៅខែឧសភា ឆ្នាំ១៩៨២៕

ចាប់តាំងពីថ្ងៃទី៧ រហូតមកដល់ថ្ងៃទី២៧ ខែមិថុនា អតីតប្រធានមន្ទីរសន្តិសុខ ស-២១ ឬ              គុកទួលស្លែង  ឈ្មោះ កាំង ហ្កេកអ៊ាវ ហៅ ឌុច ត្រូវបានអង្គជំនុំជម្រះ សាលាដំបូងនៃសា           លាក្ដីខ្មែរក្រហម កោះហៅឱ្យមកផ្ដល់សក្ខីកម្មម្ដងទៀតនៅក្នុងសំណុំរឿង ០០២ វគ្គ ២។

Source: http://www.rfa.org/khmer/news/krt/wrap-up-testimony-of-Duch-in-case-002-02-07022016010403.html

តុលាការខ្មែរក្រហមៈ ការស្តាប់សក្ខីកម្មសាក្សី មាស សឿន ជាកូនអនុប្រធានភូមិភាគបូព៌ា…

បន្ទាប់ពីបានស្តាប់សក្ខីកម្មសាក្សីម្នាក់នេះមក ធ្វើឱ្យនឹកឃើញ កាលពីអាឌិតកាល គឺសម័យកម្ពុជា ប្រជាធិបតេយ្យ ឬ សម័យខ្មែរក្រហម ប៉ុល ពត។ គឺយើងត្រូវបានអង្គការកងទ័ព ថ្នាក់លើបានហៅ             យើង ទៅប្រជុំរៀនសូត្រដែរ តែមិនបានចាប់អារម្មណ៍រឿងអ្វី ដែលអាក្រក់នោះទេ ស្មានតែទៅ ប្រជុំរៀនសូត្រធម្មតា។

នៅពេលនោះទំនងជាខែ ៦-៧ ឆ្នាំ១៩៧៨ គេបានហៅទៅប្រជុំ ក្នុងសាលារៀនក្មេងមួយខ្នង នៅភូមិ សាលាក្រៅ ក្បែរទីស្នាក់ការកងវរៈសេនាតូចលេខ ១០២ ជាកងវរៈរបស់ពួកយើង ដែលជាកងការពារ ព្រំដែនខ្មែរ-សៀម នៅចន្លោះទីក្រុងប៉ៃលិន និង ភ្នំម៉ាឡៃ ដែលមានប្រវែង ប្រហែលជា ១០០ គ.ម. ។នៅកន្លែងប្រជុំមានមនុស្សជាច្រើន គឺសុទ្ធតែមេបញ្ជាការកងវរៈសេនាធំ កងវរៈសេនាតូច និង កងអនុ   សេនាធំ ។ នៅពេលនោះគេសួរអំពីប្រវត្តីផ្ទាល់ខ្លួន តាំងពីតូចរហូតមក ក៏បានឆ្លើយប្រាប់គេតាមដំណើរ គឺបាននៅវត្តតាំងពីតូច អាយុ ១៤ ឆ្នាំបានបួសជាលោកនេន បួសបានបីខែគេនិមន្តឱ្យទៅចូលព្រៃមគ្គី ។

នៅក្នុងព្រៃគេនិមន្តឱ្យធ្វើជាគ្រូបង្រៀនក្មេងៗក្នុងភូមិ បង្ហាត់បានប្រហែលជាពីរខែ លោកតាជាប្រធាន       សង្ឃតំបន់ទី៣បាននិមន្តមក ហើយប្រកាសរកលោកធ្វើស្មៀន ក៏បានដាក់ពាក្យសុំធ្វើស្មៀន លោកក៏    ហៅធ្វើ សម្ភាស ក៏បានជាប់ធ្វើស្មៀន។  ក្នុងការធ្វើស្មៀននេះហើយ មានការទាក់ទង អ្នកធំៗច្រើន   ជាពិសេស គណៈតំបន់និងគណៈភូមិភាគ តាតុំនិងតារស់ញឹម គឺបានឆ្លើយប្រាប់គេតាម ដំណើរបន្ទាប់ មកនៅចុង ឆ្នាំ១៩៧៤ គេបានរៀបជាអង្គភាព ហើយគេបានចាត់តាំង ឱ្យធ្វើជាអគ្គលេខាធិការ ផ្នែកព្រះសង្ឃប្រចាំតំបន់ទី៣ ។

នៅដើមឆ្នាំ១៩៧៥ អង្គការលើដាក់ទិស ឱ្យលោកសង្ឃនាំគ្នា មកលើកទំនុបជីកប្រឡាយ បូករួមទាំង      លោកគ្រូចៅអធិការនិង លោកតាធុដុុង្គផង លុះដល់លើកទំនុបហើយ នៅប្រហែលជាខែកក្កដា១៩៧៥ គេបាន យកកងចល័តមក រាប់រយនាក់មកជំនួស ហើយលោកសង្ឃទាំងអស់ ត្រូវទៅលាចាកសិក្ខាបទ រួចខ្ទង់ខែកញ្ញា ១៩៧៥ ត្រូវបានអង្គការដាក់ទិស ឱ្យទៅចូលធ្វើកងទ័ព ហើយគេបានបញ្ជូន ឱ្យទៅនៅ ការពារព្រំដែន ភាគខាងលិចត្រង់ចំណុច តាមមាត់ព្រៃ ភូមិដំបូកក្នុង សាយសាម៉ន និង តាគង់ ។

លុះដល់ថ្ងៃទី១ ខែមករា ១៩៧៧ គេបានជ្រើសរើសបញ្ជូនទៅបោសសំអាតទាហានលោកតាអ៊ិនតាំ តាមព្រំដែនខ្មែរ-ថៃ នៅចំណុចភ្នំបារាំងធ្លាក់-ចក្រី គឺបានដើរតាំពីម៉ោង ៤ ព្រឹក រហូតដល់ម៉ោង ៧ យប់ទើបដល់គោដៅ។ គឺនាំគ្នាទៅឈប់សម្រាកដេកក្បែរបន្ទាយទាហ៉ាន ប្រហែលមិនដល់ ១ គ.ម. តែសុទ្ធតែព្រៃស្ងាត់ច្រៀប ។ លុះព្រឹកឡើង ញ៉ាំបាហើយ គេបញ្ជូនឱ្យទៅលើងវាយ អត់បានទៅនឹង        គេផង ដោយសារហើមខ្នងជើង ដើរបានតិចៗគេឱ្យចាំកន្លែង ។ គេវាយគ្នាមួយព្រឹកធំ ពួកទាហ៊ានប៉ារ៉ា          និង ប្រជាពលរដ្ខខ្មែរ ដែលភៀស ខ្លួនពីកម្ពុជា កាលឆ្នាំ១៩៧៥ នាំគ្នារត់ចូលដីថៃអស់ ហើយពួកយើង គេឱ្យបោះទីតាំង នៅតាមព្រំដែន។

តាំងពីពេលនោះមក នៅរហូតដល់ចុងឆ្នាំ ១៩៧៧ ពួកនិរតី ឬពួកតាម៉ុក មកកាន់កាប់ ហើយគេចាប់ផ្តើម ចាប់មេទាហានឬកម្មាភិបាល ក្នុងកងទ័ពស្ទើរទាំងអស់ ឬ ៩០ ភាគរយ។និយាយអំពីតួនាទី ឬ តំណែងក្នុង ជួរកងទ័ព ក្នុងរយៈពេលពីរឆ្នាំអត់ដែលបានធ្វើមេអីនិងគេទេ សូម្បី តែមេពួកក៏អត់ដែរ ស្អាតល្អណាស់ គឺនៅក្រោមអ្នក ១៧មេសាឬអ្នករំដោះថ្មីទៅទៀត អ្នក១៧មេសា គេបានធ្វើដល់អនុក្រម ក្នុងជួរកងទ័ព យើងអត់អីអាលីង ។ ប៉ុន្តែនៅពេលគេដកមេៗជិតអស់ មេដែល គេដកទៅបានប្រាប់ថា យើងនេះល្អណាស់អត់ជាប់ ជំពាក់ជំពិនអ្វីទេ។

នៅពេលនោះមេខាងនិរតី គេចាត់ឱ្យធ្វើជាអនុបញ្ជាការកង ធ្វើបាន ១ ខែគេតំឡើងទៅបញ្ជាការធ្វើ បាន៣-៤ខែ គេតំឡើងទៅធ្វើស្មៀន កងវរៈសេនាតូច រួចគេឱ្យទៅនៅកាន់ស្នងការកងវិញដោយ គ្រប់គ្រងមើលថែរក្សា គ្រាប់មីនទាំងអស់ ដែលនៅចន្លោះប៉ៃលិន និង ភ្នំម៉ាឡៃ គឺមានបីខ្សែរត្រៀម             ទី១, ទី២, និង ទី៣ ។ និយាយនេះវែងបន្តិច បន្ទាប់ពីគេសួរចម្លើយហើយ មិនមានអ្វីជាប់ជំពាក់ជំពិន ឬ ជាខ្សែររយៈនរណា  ទាំងអស់ ពីព្រោះតាំងតែពីសិកពីបួសមក មិនមានធ្វើអ្វីនិងគេសោះ បើមានធ្វើវិញ សង្ស័យថា ទៅជាប់ គុកឥតជញ្ជាំង ឬ ទៅដល់ទួលស្លែងផងក៏មិនដឹង ពីព្រោះមេបញ្ជាការកងវរៈសេនា      តូច និង ស្នងការ គេបានបញ្ជូនទៅគុកទួលស្លែង ហើយអនុបញ្ជាការ និង មេៗបន្ទាប់គេយកទៅ ដាក់ គុគឥតជញ្ជាំងនៅកកោះ ស្រុកមោងឫស្សីអស់ ហើយមួយចំនួនឱ្យទៅធ្វើ កងចល័តធ្វើស្រែចំការ។

អញ្ចឹងយើងរួចខ្លួន ហើយបន្ទាប់មក នៅថ្ងៃ ៧ មករា រហូត ៧កក្កដា ១៩៧៩ វាយតទល់គ្នាជាមួយ        ទាហានយួន ៧ ខែគត់ វាយបាន ២១ សមរភូមិ ជាការពិសោធន៍ ក្នុងសមរភូមិ ឬ សង្គ្រាម ។ បន្ទាប់ពី ៧ កក្កដា១៩៧៩ មក បេជ្ញាឈប់កាន់កាំភ្លើង ឈប់ច្បាំងជាមួយខ្មែរគ្នាឯង រហូតដល់ពេលនេះ និង តទៅ អនាគតកាលផងដែរ…។

ហើយបន្ទាប់មក បានចូលប្រឡូក ខាងបណ្តាញដើរអូសទ័ព ក៏មិនមានកាន់ កាំភ្លើងដែរ គឺដើរដៃទទេ ហើយពួកយើង អូសទ័ពបានច្រើនជាងគេ រហូត៦ រយនាក់ ផ្អើលយួនពេញ ខែត្របាត់ដំបង ចេញមក ស្ទាក់ផ្លូវបិទផ្លូវ ថ្មគោល-មង្គលបូរី អត់ឱ្យមានមនុស្សធ្វើដំណើរទេ តែយើងបាន ដើរតាមផ្លូវជាតិរហូត មកដល់មុខវត្តរហាត់ទឹក ក្បែរស្ពានអូស្ងួត ខាងភ្នំធំ យួនបានកាក់សួរចម្លើយ តែបានឆ្លើយថា ជាប្រជាជន ធម្មតាទេ គឺមានអ្នកបកប្រែជាភាសាយួន-ខ្មែរនៅពេលនោះ យើងស្លៀក ពាក់ខោអាវពណ៌អាចម៍សេះ ហើយទ្រនាប់ជើងយួនទៀត និយាយកុហកសមហេតុផល យួនអត់ឆែកទេ ក៏ឱ្យបន្តរដំណើរទៅមុខទៀត រហូតដល់ជំរុំថ្មី ឬ ជំរុំ០០៧…។ល៕

អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃអង្គារ ទី២៩ ខែមិថុនា បន្តសវនាការស្ដាប់សក្ខីកម្ម របស់សាក្សីមួយរូប ឈ្មោះ មាស សឿន។ លោក មាស សឿន ជាកូនរបស់អតីតអនុគណៈភូមិភាគបូព៌ា ដែលត្រូវបានបក្សកុម្មុយនិស្តកម្ពុជាបោសសម្អាត។

Source: http://www.rfa.org/khmer/news/krt/witness-recalls-internal-purge-in-eastern-zone-06292016222652.html

លោកឌុចអាឌិតមេគុកទួលស្លែងត្រូវបានតុលាការ ខ្មែរក្រហមហៅឱ្យផ្តល់សក្ខីកម្មក្នុងសំណុំរឿង០០២វគ្គ២…

អតីតប្រធានមន្ទីរសន្តិសុខ ស-២១ ឬគុកទួលស្លែង ក្នុងរបបខ្មែរក្រហម លោក កាំង ហ្កេកអ៊ាវ ហៅ ឌុច នឹងឡើងធ្វើជាសាក្សីផ្ដល់សក្ខីកម្មក្នុងការជំនុំជម្រះក្តីលើសំណុំរឿង ០០២ វគ្គ ២ ចាប់ពីថ្ងៃទី២៦ ខែឧសភា តទៅ។

Source: http://www.rfa.org/khmer/news/krt/former-s21-prison-chief-to-provide-testimony-in-case-002-02-05182016064402.html

តុលាការខ្មែរក្រហមសាក្សីហែមហ៊ុយជាអាឌិតមេ ឆ្មាំគុកទួលស្លែងឆ្លើយបំភ្លឺរឿងការតាមដានគ្នា…!?

សាលា​ដំបូង​នៃ​សាលា​ក្ដី​ខ្មែរ​ក្រហម នៅ​ថ្ងៃ​ទី​៥ ឧសភា បាន​បញ្ចប់​សវនាការ​ស្ដាប់​សក្ខីកម្ម​របស់​សាក្សី ហ៊ីម ហ៊ុយ ដែល​ជា​អតីត​មេ​ក្រុម​ចាប់​ចង និង​ដឹក​ជញ្ជូន​អ្នក​ទោស​ចូល និង​ចេញ​ពី​មន្ទីរ​សន្តិសុខ «ស-២១» ឬ​គុក​ទួល​ស្លែង ទៅ​សម្លាប់​នៅ​ជើង​ឯក។

Source: http://www.rfa.org/khmer/news/krt/ECCC-finished-Listening-To-Testimony-of-Former-S-21-Security-Guard-05052016084649.html

សៀមនិងយួនបែងចែកដីខ្មែរ !!

ពត៍មានជាតិដោយសេរី ថ្មីៗនិងប្រតិកម្មរហ័ស.

អត្មាទទួលស្គាល់ ការនិយាយបរិយាយ របស់លោកខឹម វាសនា អំពីរឿងវាសនា នៃប្រទេសជាតិខ្មែរ កន្លងមកចាប់តាំងពី ព្រះបាទអង្គដួង និង បារាំងចូលមកជួយ ការពារប្រទេសជាតិខ្មែរយើង នៅឆ្នាំ ១៨៦៣ ។ បន្ទាប់មកនាំគ្នាវាយបារាំង ដើម្បីដណ្តើមយកឯករាជ្យពីបារាំង ។ រួចយួន ហូ ជី មិញ បានរៀបចំ យកខ្មែរធ្វើជាអានានិគម ដែលបណ្តាលឱ្យមានសង្គ្រាម ផ្តួលរំលំរបបរាជានិយម ១៨ មីនា ១៩៧០, ១៧ មេសា ១៩៧៥, និង ០៧ មករា ១៩៧៩ ។ ហើយសព្វថ្ងៃ គោលបំណងរបស់ហូ ជី មិញ កំពុងត្រូវបាន អនុវត្ត ដោយមានហ៊ុន សែន, ជា ស៊ីម និង ហេង សំរិន ជាតំណាងនៅកម្ពុជា ។

Pot Pot Dead

ពិធី​បូជា​សព​លោក អៀង សារី បាន​បញ្ចប់

ចូរនាំគ្នាចូលមើល និង ស្តាប់ជុំវិញព្រឹត្តិការណ៍ ការបូជាសព របស់លោកអៀង សារី ដែលជាអតីតរដ្ឋមន្រ្តី ក្រសួងការបរទេស កម្ពុជាប្រជាធិបតេយ្យ ឬ ខ្មែរក្រហម នៅភូមិដូង ស្រុកភ្នំម៉ាលៃ ព្រំដែនខ្មែរ-ថៃ ក្នុងខែត្របន្ទាយមានជ័យ ។

ពិធី​បូជា​សព​លោក អៀង សារី បាន​បញ្ចប់.

 

ប្រស្នាព្រះឥន្ទក្នុងសៀវភៅឥន្ទទំនាយភាគ១

សៀវភៅនេះបានសរសេរឡើង ព្រមពេលជាមួយគ្នានឹងការចាប់ផ្តើមធ្វើរដ្ឋប្រហារ ឆ្នាំ១៩៧០ ដោយសេនា ប្រមុខ លន់-នល់ ។ កំណត់ហេតុនេះ បានសរសេរដោយ លោកស៊ូ-ចំរើន នៅថ្ងៃទី៥ ខែឧសភា ឆ្នាំ១៩៧០ គឺមិនដល់ពីរខែផងបន្ទាប់ពីថ្ងៃ លន់-នល់ ធ្វើរដ្ឋប្រហារ ទម្លាក់សម្តេចព្រះបាទ នរោត្តម សីហនុ ។ តើអស់លោកជឿទេ តើអ្នកសរសេរនេះ ដឹងរឿងពិតឬយ៉ាងណា? គឺភាគច្រើនត្រូវនឹង ដំណើរការនៃសង្គ្រាម នេះ តើព្រះឥន្ទទ្រង់ឈ្វេងយល់ដឹង អំពីរឿងសង្គ្រាមនៅស្រុកខ្មែរ ឬយ៉ាងណា? តើមានរឿងអ្វីអាថ៌កំបាំង ក្នុងរឿងនេះដែលយើងដឹងមិនដល់ទេ? ចូរពិនិត្យមើលឃ្លាប្រយោគ កំពាព្យនិមួយៗ ប្រើញាណក្នុងការ ត្រិះរិះពិចារណា ប្រៀបធៀបទៅលើសង្គ្រាម ដែលបានកើតឡើងនាពេលនោះ គឺសង្គ្រាមឆ្នាំ ១៩៧០-៧៥, ឆ្នាំ១៩៧៥-៧៩, ឆ្នាំ១៩៧៩-៨៩, ចុងបំផុតឆ្នាំ ១៩៩០-៩៩ ។ តែយើងគួរសិក្សា ស្រាវជ្រាវចាប់តាំងពី ទសវត្សរ៍ ១៩៥០-៥៩, ១៩៦០-៦៩, ១៩៧០-៧៩, ១៩៨០-៨៩, ១៩៩០-៩៩ តើមានអ្វីកើតឡើង ដែលគួរឱ្យចាប់អារម្មណ៍ ដែលទាក់ទងរឿងប្រទេសជាតិខ្មែរយើង និង ប្រទេសជិតខាងយើង ហើយនិង ប្រទេសមហាអំណាច ទាំងប្រាំ(៥) ជាពិសេស ចិន អាមរិកាំង និង បារាំង ។ ហើយប្រទេសក្នុងតំបន់គឺយួន ដែលេសព្វថ្ងៃគេហៅថា វៀតណាម ។

ជាថ្ងៃទុក្ខសោកនាដកម្មរបស់ខ្មែរគ្រប់រូប !!

ថ្ងៃ៧មករាក្តី ថ្ងៃ១៧មេសាក្តី ឬ ថ្ងៃ១៨មីនាក្តី សុទ្ធតែជាថ្ងៃធ្វើឱ្យខ្មែរ រងទុក្ខវេទនា, ជាថ្ងៃធ្វើឱ្យខ្មែរ រងសោកនាដកម្ម, ជាថ្ងៃធ្វើឱ្យខ្មែរ រងការឈឺចាប់ខ្លោចផ្សារ ជាថ្ងៃធ្វើឱ្យខ្មែរ រងការព្រាត់ប្រាសនិរាស្ត ឪពុកម្តាយ ប្តីប្រពន្ធ មាមីង បងប្អូន កូនចៅ ញាតិមិត្តជិតឆ្ងាយ ជាថ្ងៃធ្វើឱ្យខ្មែរ ទាស់ទែងខ្វែងគំនិតគ្នា ជាថ្ងៃធ្វើឱ្យខ្មែរបាត់បង់ នូវកិត្តយស នូវវប្បធម៌-អរិយធម៌ នូវប្រពៃណីទំនៀមទំលាប់ ដ៏ល្អរបស់ខ្លួន ជាថ្ងៃធ្វើឱ្យខ្មែររងនូវ ការបាត់បង់ទឹកដីព្រៃព្រឹក្សា និង បាត់បង់នូវ គ្រប់វត្ថុធម្មជាតិទាំងឡាយ ដែលជា របស់ខ្មែរ,  គឺជាថ្ងៃដែលនាំមកនូវ គ្រោះមហន្តរាយ ដល់ខ្មែរគ្រប់រូប តកូនតចៅ និងជាថ្ងៃដែលធ្វើឱ្យខ្មែរ រងបន្តរ នៅក្រោមសង្គមដ៏អាប់ឱន គឺបន្តរនៅខ្ញុំកញ្ជះគេ ពីជំនាន់មួយទៅជំនាន់មួយ គឺរបបអាណានិគម និយម ដែលមានបរទេសត្រួតត្រា !!

ហើយក៏មិនមែនជាថ្ងៃ ដែលខ្មែរគ្រប់រូប ត្រូវតែគោរពបូជា ឬ ត្រូវតែចងចាំថា ជាថ្ងៃដ៏ល្អសម្រាប់ខ្មែរ គ្រប់រូបដែរ ។ ហើយក៏មិនមែនជាថ្ងៃ ដែលអ្នកនយោបាយខ្មែរ ត្រូវរំលឹកលើក យកមកចងជាកំហឹង ជាមួយខ្មែរគ្នាឯងដែរ ឬក៏ជា ថ្ងៃបុណ្យជាតិ បុណ្យកំណើត ដែលត្រូវតែរំឮកប្រចាំឆ្នាំ ដើម្បីជាគុណសម្បត្តិ របស់អ្នកនេះអ្នកនោះ បក្សនេះបក្សនោះដែរ ។ គឺគ្មានថ្ងៃណាមួយដែលល្អ សម្រាប់ខ្មែរ ឬ ប្រទេសជាតិ ខ្មែរទេ ហើយក៏មិនមែនជាថ្ងៃ សម្រាប់បម្រើរបស់បក្ស នយោបាយណាមួយឡើយ ។ ហើយវាក៏មិនមែន ជាថ្ងៃ សម្រាប់យកមកផ្ចាញ់ផ្ចាលបញ្ឈឺ អ្នកនេះអ្នកនោះ បក្សនេះបក្សនោះដែរ ឬ ផ្ចាញ់ផ្ចាលដាក់ខ្មែរ គ្នាឯងនោះក៏ទេ ។ បើដូច្នោះមែន អ្នកនោះបក្សនោះ ពិតជាល្ងង់ខ្លៅថោកទាបពេកហើយ ហើយក៏មិនសម ខ្លួនជាខ្មែរស្នេហាជាតិដែរ !!

ខាងក្រោមជាកម្មវិធីសិល្បៈស្រុកស្រែ របស់វិទ្យុបាយ័ន្ត ដែលសម្តែងបង្ហាញរំឮក និង គោរពថ្ងៃ ៧ មករា ជាថ្ងៃដ៏ល្អបវររបស់ខ្លួន ជាថ្ងៃសង្គ្រោះជាតិរំដោះជាតិ  គឺជាថ្ងៃព្រះបិតាមាតារបស់គេ ហើយរំឮកផ្ចាញ់ផ្ចាល ផ្ដឺផ្តងទៅ របបកម្ពុជាប្រជាធិបតេយ្យ ដែលជារបបប្រលៃពូជសាសន៍ ។ តែខាងខ្មែរកម្ពុជាប្រជាធិបតេយ្យ ឬ ខ្មែរក្រហមវិញ គេថារបបគេ ល្អផូរផង់ គ្មានអ្នកមានគ្មានអ្នកក្រ ស្មើភាពគ្នា គោររពលទ្ធិប្រជាធិបតេយ្យ ជារបបស្នេហាជាតិខ្មែរពិតប្រាកដ ជារបបការពារបូរណភាពទឹកដី យ៉ាងម៉ឺងម៉ាត់ ពីសំណាក់ប្រទេស ឈ្លានពាន ជាដើម ។ល។ តែយ៉ាងណាក៏ដោយ វាអាចល្អម្យ៉ាងម្នាក់ មានហេតុផលសមរម្យរៀងៗខ្លួន ។ ហើយចំណែករបបសាធារណរដ្ឋវិញ ក៏គេថារបបគេល្អប្រពៃណាស់ដែរ គឺធ្វើដើម្បីរក្សាការពារជាតិ ប្រឆាំងទល់នឹងយួនឈ្លានពានដូចៗគ្នាដែរ សុទ្ធតែមានហេតុផលរៀងៗខ្លួនដែរ ។ល។ ចុះរបបសង្គម រាស្រ្តនិយមវិញ យ៉ាងណាដែរ ? ហេតុអ្វីបានជាលោក សេនាប្រមុខលន់-នល់ នាំគ្នាធ្វើរដ្ឋប្រហារ ទម្លាក់ ឬ ផ្តួលរំលំរបបនេះចេញ តើរបបសង្គមរាស្ត្រនិយមនេះខុសអ្វីដែរ ?

2013-01-06 : BayonTV Countryside Music – Khmer Live TV.

ស្តាប់ការវិភាគរបស់សយ-សុភាព+ជុំ-កុសល

សូមអញ្ជើញស្តាប់ការវិភាគនយោបាយ របស់លោកសយ-សុភាព និង ជុំ-កុសល ជាការវារយប្រហារ លោកសម រង្ស៊ី ក៏ដូចជាបក្ស សម រង្ស៊ី និង លោក កឹម សុខា ក៏ដូចជាគណបក្សសិទ្ធិមនុស្ស របបខ្មែរក្រហម ឬ កម្ពុជាប្រជាធិបតេយ្យ, របបលន់ នល់ ឬ សាធារណរដ្ឋខ្មែរ, ការធ្វើរដ្ឋប្រហារ, សហរដ្ឋអាមេរិក ឬ ការធ្វើសង្គ្រាម លោកលើកទី ២ , ទម្លាក់គ្រាប់បែក អបរមាណូ លើជប៉ុន, សង្គ្រាមនៅស្រុកខ្មែរ ជាដើម ។ល។ ចោទលោក សម រង្ស៊ីថាធ្វើដូចខ្មែរក្រហម និង ថាខ្មែរក្រហម ជាអ្នកសម្លាប់ប្រជាជន, បំផ្លាញជាតិ សាសនា ជាដើម ។ល។ និង ។ល។ ការវិផាគលើកនេះដូចជា សាហាវណាស់ ជាពិសេសបងប្អូន ដែលធ្លាប់រស់នៅក្រោម របបខ្មែរក្រហម ឬ កម្ពុជាប្រជាធិបតេយ្យ តើអស់លោកយល់យ៉ាងណាដែរ ? តើអស់លោកទាំងអស់ហ្នឹង សម នឹង មនុស្សដូចគេថាអញ្ចឹងមែនឬ ? ដើម្បីឆ្លើយតប តើអស់លោក ដែលត្រូវបានគេវាយប្រហារ គិតធ្វើយ៉ាងម៉េច ដោះស្រាយយ៉ាងម៉េច ? ចំណែកបងប្អូនខាងអតីតខ្មែរក្រហម គួរណាស់នាំគ្នាមកឡើងតុលាការ ទាំងអស់គ្នាមក ដើម្បីសំដែងការស្មោះត្រង់ វែកមុខរកអ្នកឃាតករ ឱ្យឃើញ កុំសម្ងំនៅស្ងៀម ប្រយ័ត្នគេថាយើងហ្នឹង ជាអ្នកឃាតករ រឿងបញ្ហាប្រទេសជាតិ ខ្មែរទាំងមូល ប្រជាពលរដ្ឋខ្មែរទាំងមូល គេចោទមកលើយើងហើយ គឺត្រូវតែចេញមកដោះស្រាយ នៅនឹងមុខតុលាការ ហើយត្រូវជម្រុញ ឱ្យតុលាការអន្តរជាតិ កោះហៅអ្នកជាប់ជំពាក់ជុំពិនទាំងអស់ មកឡើងតុលាការ ទើបរកយុត្តិធម៌ឃើញណ ជាពិសេសទៅទៀត គឺរឿងបាត់បង់ទឹកដី ព្រៃព្រឹក្សា ទ្រព្យសម្បត្តិ វត្ថុធម្មជាតិ ទាំងអស់ ត្រូវតែដោះស្រាយ គឺកោះត្រល់ កោះក្រចកសេះ និង កោះចាញ់តម្រីះគេ ក៏ត្រូវតែដោះស្រាយ ទើបបាន មិនត្រូវនៅស្ងៀមទេ របបសព្វថ្ងៃនេះ មិនហ៊ាន ក្អកជាមួយគេទេ តែខ្លាំងបានតែគ្នាឯងទេ ខ្មែរគ្នាឯងសុទ្ធតែក្បត់ជាតិ សុទ្ធតែជាឃាតករ បំផ្លិចបំផ្លាញជាតិ ជាដើម ។ល។ និង ។ល។ ស្រេចតែគេ ថា គេនិយាយ តាមតែអណ្តាតអត់ឆ្អឹងរបស់គេ យើងគួរតែពិចារណាទាំងអស់គ្នា ឱ្យបានច្បាស់លាស់ អ្នកណាសត្រូវ អ្នកណាមិត្ត អ្នកណាក្បត់ជាតិ អ្នកណាស្មោះត្រង់នឹង ជាតិ អ្នកណាបំផ្លិចបំផ្លាញជាតិ អ្នកណាកសាងជាតិ យើងអាចល្មមមើលឃើញនឹងភ្នែក ដើម្បិវិភាក និង ពិចារណាហើយ !!

ខាងក្រោមនេះ ជាវិឌីអូឯកសារ វិភាគនយោបាយ របស់សយ សុភាព + ជុំ កុសល តាមរយៈប៉ុស ទូរទស្សន៍បាយ័ន្ត ៚…

2012-09-19 : Mr Soy Sopheap and Mr Chum Kosal Analysis on BayonTV – Khmer Live TV.

តើអ្នកណាខ្លះពាក់ព័ន្ធសម្លាប់ខ្មែរ ?

តើមានមនុស្សប៉ុន្មាននាក់ និងប្រទេសប៉ុន្មាន ដែលពាក់ព័ន្ធ ក្នុងការសម្លាប់ខ្មែរ បីលាននាក់ កាលសម័យ សង្គ្រាមវាលពិឃាតធំបី នៅកម្ពុជា នាទសវត្សឆ្នាំ ៧០, ៨០, និង ៩០ ? តើមូលហេតុអ្វី បានជាគេចាប់តែពួកកម្ពុជា ប្រជាធិបតេយ្យ យកមកកាត់ទោស ? តើហេតុអ្វី បានជាអ្នកដឹកនាំខ្មែរក្រហម ឬកម្ពុជាប្រជាធិបតេយ្យ មិនទទួលស្គាល់នូវ ការកាប់សម្លាប់ ដ៏រង្គាលនេះ ? សូមប្រិយ៍មិត្ត ជួយបញ្ចេញមតិយោបល់ អោយបានច្រើន ដើម្បីរកដំណោះស្រាយ នូវអំពើឧក្រិដ្ឋកម្ម ដ៏សាហាវយងឃ្នងនេះ !

ការបញ្ចេញមតិយោបល់ មិនមែនបានន័យថា ចាំតែយើងដឹងច្បាស់ ឃើញនឹងភ្នែក ឮនឹងត្រចៀក បានចាំនិយាយនោះទេ ! យើងអាចនិយាយបាន នូវអ្វីៗដែលយើងយល់ឃើញថា ល្អ អាក្រក់ មានប្រយោជន៍ ឥតប្រយោជន៍ បានការឬមិនបានការ និងគ្រប់បែបយ៉ាង ដែលយើងចង់និយាយ វាជាសិទ្ធិសេរីភាព ក្នុងការបញ្ចេញមតិយោបល់ របស់យើងម្នាក់ៗ  ដែលរស់នៅក្នុងប្រទេស ដែលប្រកាន់ លទ្ធិប្រជាធិបតេយ្យ ។

ប្រទេសខ្មែរ ជាប្រទេសរាជានិយម ប្រកាន់លទ្ធិប្រជាធិបតេយ្យសេរី គឺល្អណាស់ ស្តេចធ្លាប់តែកាន់អំណាចផ្តាច់ការ តែសព្វថ្ងៃនេះ ព្រះមហាក្សត្រខ្មែរ បានដាក់ខ្លួន ដាក់ប្រាណថ្វាយ របបប្រជាធិបតេយ្យ ឬ ជូនប្រជារាស្ត្រខ្មែរហើយ ព្រះអង្គលែងហួងហែង បុណ្យស័ក្តិអំណាចអ្វីទៀតឡើយ តែគួរអោយសោកស្តាយ បែរទៅជាមាន ជនមួយចំនួន ចង់ ឬ យកអំណាចផ្តាច់ការនេះ មកប្រើប្រាស ឬ  ទៅប្រើប្រាសជំនួសស្តេចទៅវិញ !  តើរឿងនេះ ជារឿងចៃដន្យ ឬក៏ជារឿងគេប្រឌិត គេបង្កើតអោយមាន ដើម្បីសងសិក ឬ ភ្គើនប្តឺប្តងបញ្ឈឺចិត្តស្តេច និង ដើម្បីបង្ករ អសសន្តិសុខសង្គម ឬក៏គ្រាន់តែឆ្លៀតឱកាស ដើម្បីកេងប្រវ័ញ្ញផលប្រយោជន៍ តែប៉ុណ្ណោះ ! តើអស់លោកយល់យ៉ាងណាដែរ ?

មេ​ខ្មែរក្រហម​និង​សាក្សីខ្មែរ​ក្រហម​ក្នុង​សំណុំរឿង​០០២​និយាយ​ថា ​អតីត​ព្រះមហាក្សត្រ​នរោត្តម ​សីហនុ​បាន​ចូលរួម​ចលនា​របស់គេ.